തിരുവനന്തപുരത്ത് ക്രോസ് വോട്ടിങ് നടന്നിട്ടുണ്ടാകാമെന്ന് കുമ്മനം രാജശേഖരന്; ‘എല്ഡിഎഫുകാര് ഇങ്ങനെ വോട്ട് മറിച്ചതിന്റെ വ്യക്തമായ സൂചനകളുണ്ട്’
17 May 2019
തിരുവനന്തപുരം ലോക്സഭാ മണ്ഡലത്തില് ക്രോസ് വോട്ടിങ് നടന്നിട്ടുണ്ടാകാമെന്ന് ബിജെപി സ്ഥാനാര്ഥി കുമ്മനം രാജശേഖരന്. സിപിഎമ്മില് നിന്ന് യുഡിഎഫിലേക്ക് വോട്ടുകള് മറിക്കാനാണ് സാധ്യത. പാര്ട്ടികളുടെ കേഡര്മാര് മാത്രം അറിഞ്ഞ് കൊണ്ട് നടത്തുന്നതാണ് ക്രോസ് വോട്ടിങ്.
ബിജെപി വിജയിക്കരുതെന്ന ഒറ്റ ലക്ഷ്യമാണ് ക്രോസ് വോട്ടിങിനുള്ള കാരണം. എല്ഡിഎഫുകാര് യുഡിഎഫിന് ഇങ്ങനെ വോട്ട് മറിച്ചതിന്റെ വ്യക്തമായ സൂചനകളുണ്ട്. അങ്ങനെ നടന്നോ എന്ന് 23ന് തെളിയുമെന്നും കുമ്മനം പറഞ്ഞു. പമ്പയില് മാധ്യമ പ്രവര്ത്തകരോട് സംസാരിക്കുകയായിരുന്നു അദ്ദേഹം.