ഗവിയില് മൂന്ന് ദിവസത്തേക്ക് സന്ദര്ശകര്ക്ക് വിലക്ക് ഏര്പ്പെടുത്തി
27 April 2019
പത്തനംതിട്ട: വിനോദസഞ്ചാര കേന്ദ്രമായ ഗവിയില് മൂന്ന് ദിവസത്തേക്ക് സന്ദര്ശകര്ക്ക് വിലക്ക് ഏര്പ്പെടുത്തി. ഈ മാസം 29, 30, മെയ് 1 എന്നീ ദിവസങ്ങളിലാണ് വിലക്കുള്ളത്.
തെക്കന് ബംഗാള് ഉള്ക്കടലില് രൂപംകൊണ്ട ന്യുനമര്ദം ചുഴലിക്കാറ്റായി രൂപപ്പെട്ടേക്കാമെന്നതിനാല് ശക്തമായ മഴയും, മലയോര പ്രദേശങ്ങളില് ഉരുള്പൊട്ടലും ഉണ്ടാകാന് സാധ്യതയുണ്ടെന്ന് ജില്ലാ ദുരന്തനിവാരണ അതോറിറ്റി മുന്നറിയിപ്പ് നല്കിയ സാഹചര്യത്തിലാണ് ഗവിയില് സന്ദര്ശകര്ക്ക് വിലക്ക് ഏര്പ്പെടുത്തുന്നത്.
ഇന്ത്യന് മഹാസമുദ്രത്തില് രൂപം കൊണ്ട ന്യൂനമര്ദം ചുഴലിക്കാറ്റായി മാറാനുളള സാധ്യത കണക്കിലെടുത്ത് സംസ്ഥാനത്ത് ജാഗ്രതാനിര്ദേശം പുറപ്പെടുവിച്ചിട്ടുണ്ട്. എട്ട് ജില്ലകളില് ചൊവ്വാഴ്ച വരെ യെല്ലോ അലര്ട്ട് പ്രഖ്യാപിച്ചു.