അമേഠിയിലെ ജനങ്ങൾ രാഹുൽഗാന്ധിക്ക് യാത്രയയപ്പ് നൽകുവാൻ തീരുമാനിച്ചുകഴിഞ്ഞു: സ്മൃതി ഇറാനി
അമേഠിയിലെ ജനങ്ങൾ കോണ്ഗ്രസ് അധ്യക്ഷൻ രാഹുൽഗാന്ധിക്ക് യാത്രയയപ്പ് നൽകുവാൻ തീരുമാനിച്ചുകഴിഞ്ഞുവെന്ന് മണ്ഡലത്തിലെ ബിജെപി സ്ഥാനാർത്ഥിയും കേന്ദ്രമന്ത്രിയുമായ സ്മൃതി ഇറാനി. രാഹുൽ ഗാന്ധിക്ക് വോട്ടെടുപ്പിലൂടെ അമേഠിയിലെ ജനങ്ങൾ യാത്രയയ്പ്പ് നൽകുമെന്നും അവർ വ്യക്തമാക്കി.
അഞ്ച് വർഷത്തിലൊരിക്കൽ നാമനിർദേശ പത്രിക സമർപ്പിക്കാനാണ് രാഹുൽ അമേഠിയിൽ വരുന്നത്. നാമനിർദേശ പത്രിക അതാതു വ്യക്തി തന്നെ സമർപ്പിക്കണമെന്ന് ചട്ടമില്ലായിരുന്നെങ്കിൽ രാഹുൽ അമേഠിയിലേക്ക് വരില്ലായിരുന്നുവെന്നും അവർ പറഞ്ഞു.
കഴിഞ്ഞ 15 വർഷമായി രാഹുൽ അമേത്തിയുടെ വികസനത്തിനായി എംപി ഫണ്ട് ഉപയോഗിച്ചിട്ടില്ല. ഈ രാഹുലിന് ജനങ്ങൾ യാത്രയയ്പ്പ് നൽകുമെന്ന് തനിക്ക് ഉറപ്പുണ്ടെന്നും സ്മൃതി ഇറാനി പറഞ്ഞു.