വയനാട് ലോക്സഭാ മണ്ഡലത്തിലെ സ്വതന്ത്ര സ്ഥാനാർത്ഥിയായ ബിജു കാക്കത്തോട് പിൻമാറി; തൻ്റെ വോട്ടുകൾ ബിജെപി സ്ഥാനാർത്ഥി തുഷാർ വെള്ളാപ്പള്ളിക്ക് നൽകാൻ നിർദ്ദേശം
വയനാട് ലോകസഭാ മണ്ഡലത്തിലെ സ്ഥാനാർത്ഥിയും ഗോത്ര സംസ്ഥാന ചെയർമാനുമായ മായ ബിജു കാക്കത്തോട് മത്സരത്തിൽ നിന്നും പിൻമാറി. അദ്ദേഹം എൻഡിഎ വയനാട് മണ്ഡലം സ്ഥാനാർത്ഥിയും ബിഡിജഐസ് സംസ്ഥാന അധ്യക്ഷനുമായ തുഷാർ വെള്ളാപ്പള്ളിക്ക് പിൻതുണ പ്രഖ്യാപിച്ചു.
കൽപ്പറ്റ എൻഡിഎ ഓഫീസിൽ വിളിച്ചു ചേർത്ത വാർത്താസമ്മേളനത്തിലാണ് അദ്ദേഹം ഇക്കാര്യം പ്രഖ്യാപിച്ചത്. മത്സരത്തിൽ നിന്നും സൗഹാർദ്ദപൂർവം പിൻമാറുകയാണെന്ന് അദ്ദേഹം അറിയിച്ചു. തനിക്കു നൽകുവാനിരിക്കുന്ന ആദിവാസി മേഖലയിലെ വോട്ടുകൾ തുഷാർ വെള്ളാപ്പള്ളിക്ക് നൽകണമെന്ന് അദ്ദേഹം അഭ്യർത്ഥിച്ചു.
വയനാട്ടിൽ പതിനായിരം കോടി ആദിവാസികൾക്കായി ചെലവാക്കി. അതൊക്കെ എവിടെപോയെന്ന് യുഡിഎഫ് സ്ഥാനാർഥി വ്യക്തമാക്കണമെന്നും അദ്ദേഹം പറഞ്ഞു.ഗോത്ര ജില്ലാ കണ്വീനർ നരായണൻ ചുണ്ടപ്പാടി, എൻഡിഎ സ്ഥാനാർത്ഥി തുഷാർ വെള്ളാപ്പള്ളി തുടങ്ങിയവരും പങ്കെടുത്തു.