ജാതിയും മതവും പറഞ്ഞ് വരുന്നവന് വോട്ട് കൊടുക്കരുത്; കയ്യടിപ്പിച്ച് വിജയ് സേതുപതി: വീഡിയോ
19 April 2019
‘വോട്ടു ചെയ്യുമ്പോള് നോക്കി വോട്ടുചെയ്യണം.. സൂക്ഷിച്ച് വോട്ടുചെയ്യണം. നമ്മുടെ നാട്ടിലൊരു പ്രശ്നം, നമ്മുടെ കോളജിലൊരു പ്രശ്നം, നമ്മുടെ സുഹൃത്തിനൊരു പ്രശ്നം, അല്ലെങ്കില് നമ്മുടെ സംസ്ഥാനത്തിനൊരു പ്രശ്നം എന്ന് പറയുന്നരോടൊപ്പം നില്ക്കണം. അല്ലാതെ നമ്മുടെ ജാതിക്കൊരു പ്രശ്നം, നമ്മുടെ മതത്തിനൊരു പ്രശ്നം എന്ന് പറയുന്നവരോടൊപ്പം ഒരിക്കലും നില്ക്കരുത്.
ഇങ്ങനെ പറയുന്നവരൊക്കെ എല്ലാം ചെയ്തിട്ട് പൊലീസ് കാവലില് സുരക്ഷിതരായിരിക്കും. ഒടുവില് നമ്മളാണ് കെണിയില് വീഴുക. ദയവ് ചെയ്ത് ഇത് ഓര്ത്തുവയ്ക്കണം’. വലിയ സദസിനെ സാക്ഷിയാക്കി തമിഴകത്തിന്റെ മക്കള് സെല്വന് വിജയ് സേതുപതി നടത്തിയ ഈ പ്രസംഗമാണ് ഇപ്പോള് സമൂഹമാധ്യമങ്ങളില് വൈറലാകുന്നത്. നിറഞ്ഞ കയ്യടിയോടും ആരവത്തോടുമാണ് താരത്തിന്റെ വാക്കുകള് ജനം സ്വീകരിച്ചത്.