സംസ്ഥാനത്തെ എല്ലാ വിദ്യാഭ്യാസ സ്ഥാപനങ്ങള്ക്കും 22 ന് അവധി
സംസ്ഥാനത്തെ സര്ക്കാര്, സ്വകാര്യ കോളേജുകള് ഉള്പ്പെടെ എല്ലാ വിദ്യാഭ്യാസ സ്ഥാപനങ്ങള്ക്കും ലോക്സഭാ വോട്ടെടുപ്പിന്റെ തലേദിവസമായ 22 ന് അവധി നല്കണമെന്നു തിരഞ്ഞെടുപ്പു കമ്മിഷന് സര്ക്കാരിനോട് ആവശ്യപ്പെട്ടു. ഇതുപ്രകാരം അവധി പ്രഖ്യാപിച്ചു നാളെ ഉത്തരവിറങ്ങും. മധ്യവേനല് അവധി തുടങ്ങിയ സാഹചര്യത്തില് പരീക്ഷകള് മാത്രമായിരിക്കും മാറ്റിവയ്ക്കേണ്ടി വരിക.
22 ന് സര്ക്കാര് ഓഫിസുകള്ക്കും സ്ഥാപനങ്ങള്ക്കും പൊതുഅവധി അനുവദിക്കുന്ന കാര്യത്തില് സര്ക്കാരിന് ഉചിതമായ തീരുമാനമെടുക്കാമെന്നും മുഖ്യ തിരഞ്ഞെടുപ്പ് ഓഫിസര് (സിഇഒ) ടിക്കാറാം മീണ പൊതുഭരണ പ്രിന്സിപ്പല് സെക്രട്ടറിയെ അറിയിച്ചു. നെഗോഷ്യബിള് ഇന്സ്ട്രുമെന്റ്സ് ആക്ട് അനുസരിച്ച് അന്ന് അവധി അനുവദിക്കുന്ന കാര്യത്തിലും സര്ക്കാരിനു തീരുമാനമെടുക്കാമെന്നും നിര്ദേശിച്ചിട്ടുണ്ട്. ഈ വിഷയത്തിലും നാളെ സര്ക്കാര് തീരുമാനമെടുക്കും.