കുതിരപ്പുറത്ത് സ്കൂളില് പോകുന്ന ഒരു വിദ്യാര്ത്ഥിനിയുടെ വീഡിയോ ടിക്ടോക് അടക്കമുള്ള സോഷ്യല് മീഡിയയില് അടുത്തിടെ വൈറലായിരുന്നു. മാള ഹോളിഗ്രേഡ് സ്കൂളിലെ പത്താം ക്ലാസ് വിദ്യാര്ത്ഥിനിയായ സി.എ കൃഷ്ണയാണ് ഈ കുതിര സവാരിക്കാരി. നാരായണത്ത് മഹാവിഷ്ണു ക്ഷേത്രത്തിലെ പൂജാരി അജയ് കാലിന്ദിയുടെ മകളാണ് കൃഷ്ണ.
കൃഷ്ണയുടെ വീട്ടില് രണ്ട് കുതിരകളുണ്ട്. കുതിര സവാരിയോടുള്ള കമ്പം കൊണ്ട് കൃഷ്ണ സ്കൂളില് പോകുന്നതും കടയില് പോകുന്നതുമെല്ലാം കുതിരപ്പുറത്താണ്. റാണാ കൃഷ് എന്ന പേരുള്ള ആണ്കുതിരയുടെ പുറത്ത് കയറിയാണ് കൃഷ്ണ മൂന്നര കിലോമീറ്റര് ദൂരത്തുള്ള തന്റെ സ്കൂളില് പോയി പത്താം ക്ലാസ് പരീക്ഷ എഴുതിയത്. പരിശീലകരാണ് കൃഷ്ണ കുതിരപ്പുറത്ത് പരീക്ഷക്ക് പോകുന്ന വീഡിയോ സോഷ്യല്മീഡിയയില് പങ്കുവെച്ചത്.