വഴിയിൽ കിടന്നു ലഭിച്ച ഒരുലക്ഷത്തിലധികം രൂപയ്ക്ക് അവകാശികളില്ല; തുക കോടതിയിൽ
6 April 2019
കളഞ്ഞുകിട്ടിയ പണപ്പൊതി ഉടമസ്ഥൻ എത്താത്തതിനെ തുടർന്ന് പോലീസ് കോടതിയിൽ ഹാജരാക്കി. പാതിരിയാട് സ്വദേശി കീഴത്തൂർ മോഹനനാണ് 1,25,750 രൂപയുടെ പണമടങ്ങിയ പൊതി കളഞ്ഞുകിട്ടിയത്. മാർച്ച് 13ന് രാവിലെ കണ്ണൂർ കളക്ടറേറ്റിനു മുന്നിൽ വച്ചാണ് അദ്ദേഹത്തിന് പണം ലഭിച്ചത്.
അദ്ദേഹം ഈ പണം ടൗൺ പോലീസിൽ എൽപിക്കുകയായിരുന്നു. തുടർന്നു കളഞ്ഞുകിട്ടിയ പണത്തെക്കുറിച്ച് പത്രത്തിലൂടെ പോലീസ് പൊതുജനങ്ങളെ അറിയിച്ചു. എന്നാൽ യഥാർഥ ഉടമ ഇതുവരെ എത്തിയില്ല.
തുടർന്നാണ് പണം കോടതിയിൽ ഹാജരാക്കാൻ തീരുമാനിച്ചത്. ഇന്നു രാവിലെയോടെ തളിപ്പറന്പ് കോടതിക്ക് പോലീസ് പണം കൈമാറിയത്.