നോ പാര്‍ക്കിങ്ങില്‍ നിര്‍ത്തിയ സ്‌കൂട്ടര്‍ തല്ലി തകര്‍ത്ത് പൊലീസ്: വീഡിയോ
5 April 2019
ചെന്നൈയിലാണ് സംഭവം. വാര്‍മെമ്മോറിയലിന് സമീപം പാര്‍ക്ക് ചെയ്ത സ്‌കൂട്ടറിന്റെ ഹെഡ്‌ലാംപും ടെയില്‍ലാംപും മിററുകളും മുന്‍ഭാഗവുമെല്ലാം വലിയ വടി ഉപയോഗിച്ച് പൊലീസുകാര്‍ അടിച്ച് തകര്‍ക്കുന്ന വീഡിയോ സമൂഹമാധ്യമങ്ങളില്‍ ഇപ്പോള്‍ വൈറലാകുകയാണ്. വഴിയാത്രക്കാരില്‍ ഒരാളാണ് വീഡിയോ ചിത്രീകരിച്ച് സമൂഹമാധ്യമങ്ങളില്‍ പോസ്റ്റ് ചെയ്തത്.
സ്‌കൂട്ടറുടമ വന്നു വാഹനം മാറ്റുന്നതുവരെ പൊലീസ് ഉദ്യോഗസ്ഥന്‍ വാഹനം അടിച്ചു നശിപ്പിക്കുന്നുണ്ട്. സംഭവം വൈറലായതിനെ തുടര്‍ന്ന് ഇരുപൊലീസുകാരെയും അന്വേഷണ വിധേയമായി സസ്‌പെന്‍ഡ് ചെയ്‌തെന്നാണ് പൊലീസ് അറിയിക്കുന്നത്.
