ആരോപണം ഗൗരവമേറിയത്: എം.കെ രാഘവനെതിരായ കോഴ ആരോപണത്തിൽ ജില്ലാ കളക്ടറോട് റിപ്പോർട്ട് തേടി മുഖ്യ തെരഞ്ഞെടുപ്പ് ഓഫീസർ ടിക്കാറാം മീണ
4 April 2019
കോഴിക്കോട്ടെ യുഡിഎഫ് സ്ഥാനാർഥി എം.കെ. രാഘവനെതിരായ കോഴ ആരോപണം ഗൗരവകരമെന്ന് മുഖ്യ തെരഞ്ഞെടുപ്പ് ഓഫീസർ ടിക്കാറാം മീണ. ാരോപണത്തിൽ ജില്ലാ കളക്ടറോട് റിപ്പോർട്ട് തേടാനും തീരുമാനിച്ചതായി അദ്ദേഹം പറഞ്ഞു.
ആരോപണം ഗൗരവമേറിയതെന്നും മാധ്യമ വാർത്തകളുടെ അടിസ്ഥാനത്തിലാണ് റിപ്പോർട്ട് തേടിയതെന്നും അദ്ദേഹം പറഞ്ഞു.
കഴിഞ്ഞ ദിവസം, ഹിന്ദി ചാനലിന്റെ ഒളികാമറയിലാണ് എം.കെ. രാഘവൻ കുടുങ്ങിയത്. തെരഞ്ഞെടുപ്പ് ചെലവിലേക്ക് അഞ്ച് കോടി നൽകാൻ ആവശ്യപ്പെടുന്ന ദൃശ്യങ്ങളാണ് പുറത്തായിരിക്കുന്നത്. ഭൂമി വാങ്ങാനുള്ള സഹായമായിട്ടാണ് അഞ്ച് കോടി വാഗ്ദാനം ചെയ്തിരിക്കുന്നത്.