മാറ്റങ്ങൾ കൊണ്ട് വാർത്തകളിൽ നിറയുന്ന സൗദിയിൽ കാലാവസ്ഥാ മാറ്റവും; സൗദി അറേബ്യയിൽ വിവിധ പ്രദേശങ്ങളിൽ ശക്തമായ മഴയും പൊടിക്കാറ്റും
കാലാവസ്ഥാ മാറ്റത്തിന് വരവറിഞ്ഞ് സൗദി അറേബ്യ. സൗദിയിൽ വിവിധ പ്രദേശങ്ങളിൽ ശക്തമായ മഴയും പൊടിക്കാറ്റും. ഞായറാഴ്ച രാജ്യത്തെ മധ്യ കിഴക്കൻ പ്രദേശങ്ങളിലെ വിവിധ ഭാഗങ്ങളിൽ ശക്തമായ മഴയാണ് ഉണ്ടായത്. എന്നാൽ തിങ്കളാഴ്ച കിഴക്കൻ പ്രവിശ്യയുടെ വിവിധ ഭാഗങ്ങളിൽ ശക്തമായ ശക്തമായ പൊടിക്കാറ്റിൽ ജനജീവിതം സ്തംഭിച്ചു.
റിയാദ്, കിഴക്കൻ പ്രവിശ്യ, അൽ ഖസീം എന്നിവിടങ്ങളിൽ കാലാവസ്ഥ മാറ്റം ഉണ്ടാകുമെന്നു സൗദി കാലാവസ്ഥ നിരീക്ഷണ വിഭാഗം നേരത്തെ തന്നെ അറിയിച്ചിരുന്നു. കാലാവസ്ഥാ മാറ്റം ഉണ്ടാകുന്നതിന് മുൻപായാണ് മഴയും പൊടിക്കാറ്റുമുണ്ടായത്. ജുബൈൽ, ദമ്മാം, അൽ ഖോബാർ തുടങ്ങിയ പ്രവിശ്യയിലെ മിക്ക സ്ഥലങ്ങളിലും ശ്കതമായ പൊടിക്കാറ്റ് ഉണ്ടായി.
പൊടിപടലങ്ങൾ മൂലം തിരക്കേറിയ റോഡുകളിൽ പലതും മൂടിയതോടെ റോഡ് ഗതാഗതം സ്തംഭിക്കുന്ന അവസ്ഥയായി. കാലാവസ്ഥയിലെ മാറ്റത്തിൽ മുൻകരുതൽ സ്വീകരിക്കണമെന്ന് സിവിൽ ഡിഫൻസ് വകുപ്പ് ജനങ്ങൾക്ക് മുന്നറിയിപ്പ് നൽകി.