ശബരിമല സ്ത്രീപ്രവേശനത്തിനായി ഹർജ്ജി നൽകിയ പ്രേരണാ കുമാരി ഇപ്പോൾ “ചൌക്കിദാർ പ്രേരണ”: പൊളിച്ചടുക്കി കടകംപള്ളി
ശബരിമലയിൽ സ്ത്രീകളെ പ്രവേശിപ്പിക്കണമെന്നാവശ്യപ്പെട്ട് ഹർജ്ജി നൽകിയ പ്രേരണാ കുമാരി ഇപ്പോൾ ട്വിറ്ററിൽ “ചൌക്കിദാർ പ്രേരണാ കുമാരി” ആണെന്ന് ദേവസ്വം മന്ത്രി കടകംപള്ളി സുരേന്ദ്രൻ. ബിജെപിയുടെ നേതൃനിരയില് പെട്ട പ്രേരണാകുമാരിയെ കൊണ്ട് ശബരിമല യുവതീ പ്രവേശനത്തിനായി കേസ് നല്കിയതിന് പിന്നിലെ ഗൂഢശക്തി ആരെന്നത് ഇപ്പോള് പകല് പോലെ വ്യക്തമാണെന്നും കടകംപള്ളി തന്റെ ഫെയ്സ്ബുക്ക് പോസ്റ്റിൽ ആരോപിച്ചു.
‘ശബരിമലയില് യുവതീ പ്രവേശനത്തിനായി സുപ്രീംകോടതിയില് കേസ് നല്കിയ അഞ്ച് യുവതികളില് പ്രമുഖയായിരുന്നു പ്രേരണാകുമാരി. പ്രേരണാകുമാരി, ഭക്തി പസ്രീജ സേഥി, ലക്ഷ്മി ശാസ്ത്രി, അൽക്കശർമ, സുധപാൽ എന്നിവരാണ് 12 വർഷം ശബരിമല യുവതീ പ്രവേശനത്തിനായി സുപ്രീംകോടതിയില് കേസ് നടത്തിയത്. ഇവര്ക്കുള്ള സംഘപരിവാര – ബിജെപി ബന്ധം വെളിപ്പെടുത്തിയപ്പോള് അവര്ക്ക് ബിജെപി ബന്ധമില്ലെന്നായിരുന്നു കേരളത്തിലെ ബിജെപി നേതാക്കളുടെ അവകാശവാദ’മെന്നും കടകംപള്ളി തന്റെ ഫെയ്സ്ബുക്ക് പോസ്റ്റിൽ പറയുന്നു.
“പ്രേരണാകുമാരി ബിജെപിക്കാരിയാണെന്ന് ഞാന് പ്രസംഗിച്ചതിന് എനിക്കെതിരെ ഒരു സുപ്രീം കോടതി അഭിഭാഷകന് വഴി വക്കീല് നോട്ടീസ് അയച്ച പ്രേരണാകുമാരി കേസ് കൊടുക്കാന് തയ്യാറായില്ല. അന്ന് മുങ്ങിയ പ്രേരണാകുമാരി ഇപ്പോള് ചൗക്കീദാര് പ്രേരണയാണ്. ദില്ലിയിലെ ബിജെപി നേതൃനിരയിലുള്ള പ്രേരണാകുമാരി ബിജെപി ലീഗല് സെല്ലിന്റെ സുപ്രീം കോടതി യൂണിറ്റ് സെക്രട്ടറിയും, ബിജെപി പോഷകസംഘടനയുടെ ഔദ്യോഗിക വക്താവുമാണ്. ബിജെപിയുടെ നേതൃനിരയില് പെട്ട പ്രേരണാകുമാരിയെ കൊണ്ട് ശബരിമല യുവതീ പ്രവേശനത്തിനായി കേസ് നല്കിയതിന് പിന്നിലെ ഗൂഢശക്തി ആരെന്നത് ഇപ്പോള് പകല് പോലെ വ്യക്തമാണ്. ”-കടകംപള്ളി തന്റെ ഫെയ്സ്ബുക്ക് പോസ്റ്റിൽ കുറിച്ചു.
പ്രേരണാ കുമാരിയുടെ ട്വിറ്റർ അക്കൌണ്ടിന്റെ സ്ക്രീൻ ഷോട്ടും അവർ ബിജെപിയ്ക്കായി പ്രചാരണം നടത്തുന്നതിന്റെ ചിത്രങ്ങളും അടക്കമാണ് മന്ത്രിയുടെ പോസ്റ്റ്.
പ്രേരണാകുമാരിയുടെ ഭര്ത്താവ് സിദ്ധാര്ത്ഥ് ശംഭു ബിജെപി അധ്യക്ഷന് അമിത് ഷായുമായി അടുത്ത ബന്ധമുള്ള വ്യക്തിയും, ബിജെപിയുടെ സജീവപ്രവര്ത്തകനുമാണെന്നതും ഇതിനോട് കൂട്ടിവായിക്കണമെന്നും ശബരിമല യുവതീപ്രവേശനത്തിനായി വാദിച്ചതും, അനുകൂല വിധിക്കായി 12 വര്ഷം കേസ് നടത്തിച്ചതും ചൗക്കീദാര് പ്രേരണാകുമാരി അടക്കമുളള സംഘപരിവാറുകാരായ, ബിജെപിക്കാരായ സ്ത്രീകളാണെന്നത് കേരളം കലാപ കലുഷിതമാക്കാന് ആര്എസ്എസ് നീക്കം നടത്തിയപ്പോള് തങ്ങള് വിളിച്ചു പറഞ്ഞതാണെന്നും അദ്ദേഹം പറയുന്നു.