ശത്രുഘ്നൻ സിൻഹ ബിജെപി വിട്ടു
വിമത ബിജെപി നേതാവായ ശത്രുഘ്നന് സിന്ഹ ബിജെപി വിട്ട് കോണ്ഗ്രസിലേക്ക് ചേക്കേറുന്നു. തന്റെ സിറ്റിങ് സീറ്റായ ബിഹാറിലെ പട്ന സാഹിബില് ഇത്തവണ കേന്ദ്രമന്ത്രി രവിശങ്കര് പ്രസാദിനെ മത്സരിപ്പിക്കാന് ബിജെപി തീരുമാനിച്ചതിനെ തുടര്ന്നാണ് ബിജെപി വിടുവാനുള്ള ശത്രുഘ്നന് സിന്ഹ കെെക്കൊണ്ടത്.
ഇദ്ദേഹം പാര്ട്ടി അംഗത്വം സ്വീകരിക്കുമെന്ന് ബീഹാറിലെ കോണ്ഗ്രസ് നേതാക്കള് വ്യക്തമാക്കിയിട്ടുണ്ട്. ഡല്ഹിയിലെ എഐസിസി ആസ്ഥാനത്ത് വെച്ചായിരിക്കും ശത്രുഘ്നന് സിന്ഹ കോണ്ഗ്രസ് അംഗത്വം സ്വീകരിക്കുക.
നരേന്ദ്രമോദിക്കെതിരായ കടുത്ത വിമര്ശനങ്ങളോടെയാണ് ശത്രുഘ്നന് സിന്ഹ ബിജെപിയില് തുടര്ന്നിരുന്നത്. പലപ്പോഴും പരസ്യവിമര്ശനങ്ങള് ഇദ്ദേഹം നടത്തിയിരുന്നു. മാത്രമല്ല ബിജെപിക്കെതിരായ പ്രതിപക്ഷ പാര്ട്ടികളുടെ കൂട്ടായ്മകളില് ശത്രുഘ്നന് സിന്ഹ സജീവ സാന്നിധ്യമായിരുന്നു.
ഇതെല്ലാ പരിഗണിച്ചാണ് ശത്രുഘ്നന് സിന്ഹയ്ക്ക് സീറ്റ് നിഷേധിച്ചത്. ഇതില് പ്രതിഷേധിച്ചാണ് കോണ്ഗ്രസിലേക്ക് പോകാന് ശത്രുഘ്നന് സിന്ഹ തീരുമാനിച്ചതെന്നാണ് വിവരം.