പ്രളയത്തിന്റെ കാരണക്കാരൻ ബ്ലാക്ക് മണി; നിറത്തിന്റെ പേരിൽ മന്ത്രി എംഎം. മണിയെ അധിക്ഷേപിച്ച് എൻ പീതാംബരക്കുറുപ്പ്
നിറത്തിന്റെ പേരിൽ മന്ത്രി എം.എം.മണിയെ അധിക്ഷേപിച്ച് കോണ്ഗ്രസ് നേതാവ് എൻ. പീതാംബരക്കുറുപ്പ്. ആറ്റിങ്ങൽ ലോക്സഭാ സീറ്റിലെ യുഡിഎഫ് സ്ഥാനാർഥി അടൂർ പ്രകാശിന്റെ തെരഞ്ഞെടുപ്പ് പ്രചാരണവുമായി ബന്ധപ്പെട്ട് നെടുമങ്ങാട് നിയോജകമണ്ഡലത്തിൽ നടത്തിയ കണ്വൻഷൻ വേദിയിലായിരുന്നു പീതാംബരക്കുറുപ്പിന്റെ പരിഹാസം.
പ്രളയത്തിന്റെ കാരണക്കാരൻ “ബ്ലാക്ക് മണി’യാണെന്നായിരുന്നു പീതാംബരക്കുറിപ്പിന്റെ പരാമർശം. മുൻ കെപിസിസി പ്രസിഡന്റ് തെന്നല ബാലകൃഷ്ണപിള്ള ഉൾപ്പെടെയുള്ള നേതാക്കൾ ഈ സമയം വേദിയിലുണ്ടായിരുന്നു.
നേരത്തെ രാഹുൽ ഗാന്ധിയുടെ സ്ഥാനാർഥിത്വവുമായി ബന്ധപ്പെട്ട് ഇതര സംസ്ഥാന തൊഴിലാളികളെ പരാമർശിച്ചുള്ള മന്ത്രി കെടി ജലീലിന്റെ ഫേസ്ബുക്ക് പോസ്റ്റും വിവാദമായിരുന്നു.