ജനങ്ങളുടെ വിശ്വാസങ്ങൾക്കുമേൽ എൽഡിഎഫ് സർക്കാർ കടന്നുകയറുന്നു; സിപിഐയുടെ മുൻ ജില്ലാ കൗൺസിൽ അംഗം കോൺഗ്രസിൽ ചേർന്നു
സിപിഐയുടെ മുൻ ജില്ലാ കൗൺസിൽ അംഗവും മുൻ കാഞ്ഞിരപ്പള്ളി മണ്ഡലം അസി.സെക്രട്ടറിയുമായിരുന്ന സുരേഷ് ടി നായർ കോൺഗ്രസിൽ ചേർന്നു. കാഞ്ഞിരപ്പള്ളി നിയോജക മണ്ഡലത്തിൽ ഡോ.എൻ ജയരാജിനെതിരെ എൽഡിഎഫ് സ്ഥാനാർഥിയായിരുന്നു.
നേരത്തെ, ചിറക്കടവ് ഗ്രാമപഞ്ചായത്തംഗമായിരുന്ന സുരേഷ്.ടി.നായർ 2011-ൽ ജനങ്ങളുടെ വിശ്വാസങ്ങൾക്കുമേൽ എൽഡിഎഫ് സർക്കാർ കടന്നുകയറുകയാണെന്ന് സുരേഷ് ടി നായർ പറഞ്ഞു. ആശങ്കയിലാകുന്ന ജനസമൂഹത്തിന് അത്താണിയായി യുഡിഎഫ് മാത്രമാണുള്ളത്. അതിനാലാണ് കോൺഗ്രസിൽ ചേർന്ന് പ്രവർത്തിക്കുന്നതെന്നും അദ്ദേഹം കൂട്ടിച്ചേർത്തു.
പത്തനംതിട്ടയിലെ യുഡിഎഫ്സ്ഥാനാർഥി ആന്റോ ആന്റണിയുടെ കാഞ്ഞിരപ്പള്ളി നിയോജകമണ്ഡലം കൺവെൻഷനിൽ എഐസിസിജനറൽ സെക്രട്ടറി ഉമ്മൻ ചാണ്ടി സുരേഷിന് അംഗത്വം നൽകി.
അതേസമയം, കോൺഗ്രസിൽ അംഗത്വമെടുത്ത സുരേഷ് ടി.നായർക്ക് സിപിഐയുമായി കാലങ്ങളായി ബന്ധമില്ലെന്ന് സിപിഐ കാഞ്ഞിരപ്പള്ളി മണ്ഡലം സെക്രട്ടറി അഡ്വ.എം.എ.ഷാജി പറഞ്ഞു.