ജമ്മു കശ്മീരിൽ വീണ്ടും ഭീകരാക്രമണം; സെെനികന് വീരമൃത്യു
21 March 2019
ജമ്മു കശ്മീരിലെ സോപോറിലുണ്ടായ ഭീകരാക്രമണത്തിൽ സൈനികന് വീരമൃത്യു. വ്യാഴാഴ്ച രാവിലെ സിആർപിഎഫ് ജവാന്മാർക്കു നേരെയാണ് ആക്രമണമുണ്ടായത്.
മൂന്ന് ഭീകരർ പ്രദേശത്ത് ഒളിച്ചിരിക്കുന്നതായി സൈന്യത്തിനു വിവരം ലഭിച്ചിരുന്നു. ഇതേതുടർന്നു സൈന്യം തെരച്ചിൽ നടത്തുന്നതിനിടെ ഭീകരർ വെടിയുതിർക്കുകയായിരുന്നു. തുടർന്നു സൈന്യം ശക്തമായി തിരിച്ചടിച്ചു.
രണ്ട് തവണയാണ് സൈന്യത്തിനുനേരെ ഭീകരർ ആക്രമണം നടത്തിയത്. സുരക്ഷാ സൈന്യവും ഭീകരരുമായി ഏറ്റുമുട്ടൽ ഇപ്പോഴും തുടരുകയാണ്. ആക്രമണത്തിൽ ഒരു പോലീസുകാരനും സൈനികനും പരിക്കേറ്റു. ഇവരെ ആശുപത്രിയിൽ പ്രവേശിപ്പിച്ചിരിക്കുകയാണ്.