ആർഎസ്എസിൻ്റെ പിന്തുണയോടെ മത്സരിച്ചത് പിണറായി: കോടിയേരിക്കു മുല്ലപ്പള്ളിയുടെ മറുപടി
ലോക്സഭാ തെരഞ്ഞെടുപ്പിൽ അഞ്ചു മണ്ഡലങ്ങളിൽ കോണ്ഗ്രസും ബിജെപിയും തമ്മിൽ ധാരണയുണ്ടെന്ന സിപിഎം സംസ്ഥാന സെക്രട്ടറി കോടിയേരി ബാലകൃഷ്ണന്റെ പരാമർശത്തിനു കെപിസിസി അധ്യക്ഷൻ മുല്ലപ്പള്ളി രാമചന്ദ്രൻ്റെ മറുപടി. അഞ്ചിടിത്ത് കോ-ലി-ബി സഖ്യം എന്നു പറയുന്നത് പച്ചക്കള്ളമാണെന്നു അദ്ദേഹം പറഞ്ഞു.
പിണറായി വിജയനാണ് ആർഎസ്എസിന്റെ പരസ്യ പിന്തുണയോടെ മത്സരിച്ചതെന്നും മുല്ലപ്പള്ളി തിരിച്ചടിച്ചു. കണ്ണൂർ, വടകര, കോഴിക്കോട്, എറണാകുളം, കൊല്ലം സീറ്റുകളിൽ ഇടതു സ്ഥാനാർഥികളെ പരാജയപ്പെടുത്താനാണ് ധാരണയെന്നും കുമ്മനം രാജശേഖരനെ നിയമസഭയിൽ എത്തിക്കാനാണു ശ്രമമെന്നുമാണ് കോടിയേരി ആരോപിച്ചത്.
കുമ്മനം രാജശേഖരനെ വട്ടിയൂർക്കാവിൽനിന്നു നിയമസഭയിൽ എത്തിക്കാനാണു ധാരണ. കെ. മുരളീധരനെ വടകരയിലേക്കു മാറ്റിയത് ഇതിന്റെ ഭാഗമാണെന്നും കോടിയേരി കുറ്റപ്പെടുത്തി.