ധോണിയെ വിലകുറച്ച് കാണരുത്; അദ്ദേഹത്തിന് പകരം വയ്ക്കാൻ മറ്റാരുമില്ലെന്നു മൈക്കൽ ക്ലാർക്ക്
നിശ്ചിത ഓവർ ക്രിക്കറ്റിൽ മഹേന്ദ്ര സിംഗ് ധോണിയെ ഒരിക്കലും കുറച്ചു കാരണരുതെന്ന് മുൻ ഓസീസ് താരം മൈക്കൽ ക്ലാർക്ക്. അദ്ദേഹത്തിന് പകരം വയ്ക്കാൻ മറ്റാരും ഇന്ത്യൻ ക്രിക്കറ്റിൽ ഇല്ലെന്നും ധോണിയെ അനാവശ്യമായി വിമർശിക്കുവർക്കു മറുപടിയായി ക്ലാർക്ക് പ്രതികരിച്ചു. നേരത്തെ ധോണിയെ ക്രിക്കറ്റിൽ വിലകുറച്ച് കാണരുതെന്ന് മൈക്കൽ ക്ലാർക്ക് ട്വീറ്റ് ചെയ്തിരുന്നു
എംഎസ് ധോണിയുടെ പ്രധാന്യം ഒരിക്കലും കുറച്ചു കാണരുത്. മധ്യനിരയിൽ അനുഭവ സമ്പത്തുള്ളവരുടെ സാന്നിധ്യം വളരെ പ്രധാനപ്പെട്ടതാണ്’ -ഓസ്ട്രേലിയയ്ക്ക് ലോകകപ്പ് സമ്മാനിച്ചിട്ടുള്ള നായകൻ കൂടിയായ ക്ലാർക്ക് ട്വീറ്റ് ചെയ്തു.
ഓസീസിനെതിരായ അവസാന രണ്ടു ഏകദിനങ്ങളിൽ ധോണിക്ക് വിശ്രമം അനുവദിക്കുകയായിരുന്നു. ധോണി പുറത്തിരുന്ന മത്സരങ്ങളിൽ ഇന്ത്യൻ മധ്യനിരയുടെ കൂട്ടത്തകർച്ച ടീമിന്റെ തോൽവിക്കു കാരണമായി. ധോണിക്ക് പകരം അവസരം ലഭിച്ച ഋഷഭ് പന്തിന് മികച്ച പ്രകടനം നടത്താനായില്ല.