സ്മൃതി ഇറാനിക്കെതിരെ അഴിമതിമതി ആരോപണവുമായി കോൺഗ്രസ്; സ്മൃതി ഇറാനി എം.പി ഫണ്ട് വെട്ടിച്ചു
കേന്ദ്രമന്ത്രി സ്മൃതി ഇറാനിക്കെതിരെ അഴിമതി ആരോപണവുമായി കോൺഗ്രസ് പാർട്ടി രംഗത്ത്. എം.പി ഫണ്ട് വിനിയോഗിച്ചതിൽ വൻ അഴിമതിയുണ്ടെന്നാണ് കോൺഗ്രസ് വക്താവ് രൺദീപ് സിങ് സുർജേവാല ആരോപിക്കുന്നത്. ടെണ്ടർ പോലും വിളിക്കാത്ത പദ്ധതിയുടെ പേരിൽ മന്ത്രി സ്മൃതി ഇറാനി 5.93 കോടി രൂപ തട്ടിയെടുത്തു എന്നാണു രൺദീപ് സിങ് സുർജേവാല ഉന്നയിക്കുന്ന ആരോപണം.
ഗുജറാത്ത് സ്റ്റേറ്റ് റൂറൽ ഡെവലപ്മെൻറ് കോർപറേഷന്റെ കീഴിൽ എം.പി ഫണ്ട് ഉപയോഗിച്ച് നടത്തിയ വികസന പദ്ധതികളിലാണ് മന്ത്രി അഴിമതി കാണിച്ചതെന്നും സുർജേവാല വാർത്താസമ്മേളനത്തിൽ ആരോപിക്കുന്നത്. സി.എ.ജി റിപ്പോർട്ടിൽ ഇക്കാര്യങ്ങൾ വ്യക്തമായി ചൂണ്ടിക്കാട്ടുന്നുണ്ടു എന്നും സുർജേവാല വാർത്താ സമ്മേളനത്തിൽ പറഞ്ഞു.
പൊതുധനം ദുരുപയോഗം ചെയ്തതിന് അഴിമതി നിരോധന നിയമ പ്രകാരം ഇറാനിക്കെതിരെ എഫ്.െഎ.ആർ രജിസ്റ്റർ ചെയ്യണമെന്നും, അവർക്കെതിരെ അന്വേഷണത്തിന് ഉത്തരവിടാനും മന്ത്രിസ്ഥാനത്തു നിന്നും നീക്കാനും പ്രധാനമന്ത്രി നരേന്ദ്രമോദി ധൈര്യം കാണിക്കണമെന്നും സുർജേവാല ആവശ്യപ്പെട്ടു.
