ടുണീഷ്യയിൽ ആശുപത്രിയിൽ നവജാത ശിശുക്കൾ മരിച്ച സംഭവം; ആരോഗ്യമന്ത്രി രാജിവച്ചു
10 March 2019
ടുണീഷ്യയിൽ നവജാത ശിശുക്കൾ മരിച്ച സംഭവത്തിൽ മന്ത്രിയുടെ രാജി. ടുണിഷ്യൻ തലസ്ഥാനത്തെ ആശുപത്രിയിൽ നവജാതശിശുക്കൾ മരിക്കാനിടയായ സംഭവത്തെ തുടർന്നാണ് ആരോഗ്യമന്ത്രി രാജിവച്ചത്.
അണുബാധയുണ്ടായതിനേത്തുടർന്നാണ് കുട്ടികൾ മരിച്ചതെന്ന് നേരത്തെ പരിശോധനയിൽ കണ്ടെത്തിയിരുന്നു. ഇതിനു പിന്നാലെയാണ് മന്ത്രി അബ്ദ്റൗഫ് ഷെരീഫ് രാജിവച്ചത്.
സംഭവത്തേക്കുറിച്ച് വിവിധതലങ്ങളിലായി അന്വേഷണം നടന്നുവരികയാണെന്ന് ടുണീഷ്യൻ പ്രധാനമന്ത്രി യൂസഫ് ചാഹെദ് പറഞ്ഞു. നാല് മാസം മുൻപാണ് അബ്ദ്റൗഫ് ആരോഗ്യമന്ത്രിയായി ചുമതലയേറ്റത്.