തെ​ര​ഞ്ഞെ​ടു​പ്പ് പ്ര​ഖ്യാ​പ​ന​ത്തി​നു മുമ്പുള്ള ഒരു മാസം മോദി ഉദ്ഘാടനം ചെയ്തത് 157 പ​ദ്ധ​തി​കൾ; ഉദ്ഘാടനം ചെയ്തവയിൽ പശുസംരക്ഷണ കേന്ദ്രം പോലും

single-img
10 March 2019

തെ​ര​ഞ്ഞെ​ടു​പ്പ് പ്ര​ഖ്യാ​പ​ന​ത്തി​നു മു​മ്പെ പ്രധാനമന്ത്രി നരേന്ദ്ര മോദിയുടെ ഉദ്ഘാടന മാമാങ്കം. തെ​ര​ഞ്ഞെ​ടു​പ്പ് പ്ര‍​ഖ്യാ​പ​ന​ത്തി​നു മു​മ്പു​ള്ള ഒ​രു മാ​സം മോ​ദി രാ​ജ്യ​ത്തി​ന്‍റെ വി​വി​ധ ഭാ​ഗ​ങ്ങ​ളി​ലേ​ക്ക് യാ​ത്ര ചെ​യ്ത​ത് 28 ത​വ​ണ​യാ​ണ്. ഇ​തി​നി​ടെ അ​ദ്ദേ​ഹം 157 പ​ദ്ധ​തി​ക​ളും ഉ​ദ്ഘാ​ട​നം ചെ​യ്തു.തെ​ര​ഞ്ഞെ​ടു​പ്പ് തീ​യ​തി പ്ര​ഖ്യാ​പി​ച്ചു ക​ഴി​ഞ്ഞാ​ൽ പെ​രു​മാ​റ്റ​ച്ച​ട്ടം നി​ല​വി​ൽ വ​രു​ക​യും കേ​ന്ദ്ര​സ​ർ​ക്കാ​രി​ന് വ​മ്പ​ൻ പ​ദ്ധ​തി​ക​ളൊ​ന്നും പ്ര​ഖ്യാ​പി​ക്കാ​നും ക​ഴി​യാ​തെ വ​രി​ക​യും ചെ​യ്യുമെന്നതിനാലാണ് പ്രധാനമന്ത്രി തിരക്കിട്ട് ഉദ്ഘാടന പരിപാടികൾ സംഘടിപ്പിക്കുന്നത്.

ചെ​റി​യ പ​ദ്ധ​തി​ക​ൾ വ​രെ മോ​ദി നേ​രി​ട്ടെ​ത്തി ഇ​ക്കാ​ല​യ​ള​വി​ൽ ഉ​ദ്ഘാ​ട​നം ചെ​യ്തു. ചെ​ന്നൈ മെ​ട്രോ​യു​ടെ ഏ​താ​നും കി​ലോ​മീ​റ്റ​ർ ദൂ​രം സ​ർ​വീ​സ്, ക​ർ​ണാ​ട​ക​യി​ലെ ചി​ക്ച​ജു​ർ-​മ​യ​കോ​ണ്ട സെ​ക്ഷ​ൻ റെ​യി​ൽ​വെ ലൈ​ൻ, വി​ക്രാ​വാ​ന്ദി-​ത​ഞ്ചാ​വൂ​ർ ദേ​ശീ​യ​പാ​ത നാ​ലു​വ​രി​യാ​ക്ക​ൽ തു​ട​ങ്ങി​യ​വ ഇ​വ​യി​ൽ ചി​ല ഉ​ദാ​ഹ​ര​ണ​ങ്ങ​ളാ​ണ്. മു​നി​സി​പ്പാ​ലി​റ്റി ത​ല​ത്തി​ലു​ള്ള പ​ശു​സം​ര​ക്ഷ​ണ കേ​ന്ദ്രം പോ​ലു​ള്ള പ​ദ്ധ​തി​ക​ളും ഇ​ക്കാ​ല​ത്ത് ഉ​ദ്ഘാ​ട​നം ചെ​യ്തു. ഗാ​സി​യാ​ബാ​ദ് മു​നി​സി​പ്പാ​ലി​റ്റി​യി​ലെ ഗോ​ശാ​ല​യ്ക്കാ​ണ് മോ​ദി ത​റ​ക്ക​ല്ലി​ട്ട​ത്.

2014 ൽ ​ക​ഴി​ഞ്ഞ മ​ന്ത്രി​സ​ഭ​യു​ടെ കാ​ല​ത്ത് തെ​ര​ഞ്ഞെ​ടു​പ്പ് പെ​രു​മാ​റ്റ​ച്ച​ട്ടം നി​ല​വി​ൽ​വ​രു​ന്ന​തി​നു മു​മ്പു​ള്ള മാ​സ​ങ്ങ​ളി​ൽ അ​ന്ന​ത്തെ പ്ര​ധാ​ന​മ​ന്ത്രി ഡോ. ​മ​ൻ​മോ​ഹ​ൻ സിം​ഗ് യാ​ത്ര​ക​ളൊ​ന്നും ന​ട​ത്തി​യി​രു​ന്നി​ല്ല. തി​ര​ക്കി​ട്ട ഉ​ദ്ഘാ​ട​ന പ​രി​പാ​ടി​ക​ളും ഉ​ണ്ടാ​യി​രു​ന്നി​ല്ല. ക​ഴി​ഞ്ഞ മാ​സം എ​ട്ടാം തീ​യ​തി​ക്കും മാ​ർ​ച്ച് ഒ​മ്പ​തി​നും ഇ​ട​യി​ൽ പു​തി​യ ദേ​ശീ​യ​പാ​ത​ക​ൾ, പു​തി​യ റെ​യി​ൽ​വെ ലൈ​നു​ക​ൾ, മെ​ഡി​ക്ക​ൽ കോ​ള​ജു​ക​ൾ, ആ​ശു​പ​ത്രി​ക​ൾ, സ്കൂ​ളു​ക​ൾ, വാ​ത​ക​പൈ​പ്പ് ലൈ​നു​ക​ൾ, വി​മാ​ന​ത്താ​വ​ള​ങ്ങ​ൾ, കു​ടി​വെ​ള്ള പ​ദ്ധ​തി​ക​ൾ, ഊ​ർ​ജ പ​ദ്ധ​തി​ക​ൾ തു​ട​ങ്ങി നി​ര​വ​ധി പ്രോ​ജ​ക്ടു​ക​ൾ​ക്കാ​ണ് മോ​ദി തു​ട​ക്ക​മി​ട്ട​ത്.

ക​ഴി​ഞ്ഞ ജ​നു​വ​രി ഏ​ഴി​നും ഫെ​ബ്രു​വ​രി ഏ​ഴി​നും ഇ​ട‍​യി​ലു​ള്ള ഒ​രു മാ​സം 57 പ​ദ്ധ​തി​ക​ളാ​ണ് മോ​ദി പ്ര​ഖ്യാ​പി​ച്ച​ത്. എ​ന്നാ​ൽ അ​ടു​ത്ത നാ​ല് ആ​ഴ്ച ഇ​തി​ന്‍റെ മൂ​ന്നി​ര​ട്ടി പ​ദ്ധ​തി​ക​ളാ​ണ് അ​ദ്ദേ​ഹം പ്ര​ഖ്യാ​പി​ച്ച​ത്. പി​എം​ഒ വെ​ബ്സൈ​റ്റി​ൽ​നി​ന്നു​ള്ള വി​വ​ര​ങ്ങ​ൾ പ്ര​കാ​രം എ​ൻ​ഡി​ടി​വി​യാ​ണ് ഇ​ക്കാ​ര്യം റി​പ്പോ​ർ​ട്ട് ചെ​യ്ത​ത്. മോ​ദി പ്ര​ഖ്യാ​പി​ച്ച പ​ല​പ​ദ്ധ​തി​ക​ളും പ​ഴ​യ പ​ദ്ധ​തി​ക​ൾ പൊ​ടി​ത​ട്ടി​യെ​ടു​ത്ത് പു​തു​താ​യി അ​വ​ത​രി​പ്പി​ക്കു​ക​യാ​യി​രു​ന്നെ​ന്നും എ​ൻ​ഡി​ടി​വി റി​പ്പോ​ർ​ട്ട് ചെ​യ്യു​ന്നു.

ബി​ഹാ​റി​ലെ ക​ര്‍​മ്മ​ലി​ച്ച​ക്കി​ൽ 96.54 കി​ലോ​മീ​റ്റ​ര്‍ നീ​ള​മു​ള്ള സ്വീ​വേ​ജ് ശൃ​ഗ​ഖ​ല​യ്ക്കു ഫെ​ബ്രു​വ​രി 17 ന് ​മോ​ദി ത​റ​ക്ക​ല്ലി​ട്ടി​രു​ന്നു. എ​ന്നാ​ൽ ഇ​തേ പ​ദ്ധ​തി 2017 ൽ ​ഒ​ക്ടോ​ബ​റി​ൽ അ​ദ്ദേ​ഹം ത​ന്നെ ത​റ​ക്ക​ല്ലി​ട്ട​താ​ണ്. ഉ​ത്ത​ർ​പ്ര​ദേ​ശി​ലെ അ​മേ​ത്തി​യി​ൽ റ​ഷ്യ​യു​മാ​യി ചേ​ർ​ന്ന് ആ​രം​ഭി​ച്ച ആ​യു​ധ ഫാ​ക്ട​റി മോ​ദി ക​ഴി​ഞ്ഞ ആ​ഴ്ച​യാ​ണ് ഉ​ദ്ഘാ​ട​നം ചെ​യ്ത​ത്. എ​ന്നാ​ൽ ഈ ​പ്ലാ​ന്‍റ് 2007 ൽ ​ഉ​ദ്ഘാ​ട​നം ചെ​യ്ത​താ​ണെ​ന്ന് സ​ർ​ക്കാ​രി​ന്‍റെ ത​ന്നെ വാ​ർ​ത്താ​ക്കു​റി​പ്പി​ൽ പ​റ‍​യു​ന്നു. ഇ​തി​നു ശേ​ഷം 2010 ൽ ​ചെ​റു​തോ​ക്കു​ക​ളും റൈ​ഫി​ളു​ക​ളും മി​ഷ‍്യ​ൻ ഗ​ണ്ണു​ക​ളും നി​ർ​മി​ച്ചു തു​ട​ങ്ങി​യി​രു​ന്ന​താ​യും പ​റ​യു​ന്നു.