മക്കൾ ഭീകരർ ആകുന്നില്ലെന്ന് അമ്മമാർ ഉറപ്പുവരുത്തണം: സൈന്യം
മക്കൾ ഭീകരവാദ സംഘടനകളിൽ അംഗമാകുന്നില്ലെന്ന് കാഷ്മീരിലെ അമ്മമാർ ഉറപ്പ് വരുത്തണമെന്ന് കരസേന ലഫ്റന്റ് ജനറൽ കൻവാൾ ജീത് സിംഗ് ധില്ലൻ. സംഘർഷത്തിന്റെ പാത തെരഞ്ഞെടുക്കുന്നവരുടെ അമ്മമാരോട് സൈന്യം അപേക്ഷിക്കുകയാണ് ഇവർ ഭീകരപ്രസ്ഥാനങ്ങൾ ചേരില്ലെന്ന് ഉറപ്പാക്കണം. കാഷ്മീരിലെ ഓരോ അമ്മമാരോടും സ്വന്തം മക്കളെ തീവ്രവാദികൾക്കൊപ്പം വിടരുതെന്ന് അഭ്യർഥിക്കുകയാണ് – ലഫ്റന്റ് ജനറൽ കൻവാൾ ജീത് സിംഗ് ധില്ലൻ പറഞ്ഞു.
കൂടാതെ ഭീകരവാദ സംഘടനകളിൽനിന്നും തിരിച്ചുവരാൻ ആഗ്രഹിക്കുന്നവരെ സൈന്യം മുഖ്യധാരയിലേക്കുകൊണ്ടുവരുമെന്ന് ഇവരുടെ അമ്മമാർക്ക് ഉറപ്പ് നൽകുകയായണെന്നും അദ്ദേഹം പറഞ്ഞു. ജമ്മുകാഷ്മീരിൽ സൈന്യത്തിന്റെ പാസിംഗ്ഔട്ട് പരേഡിൽ സംസാരിക്കുകയായിരുന്നു അദ്ദേഹം. സംസ്ഥാനത്തുനിന്നും 152 യുവാക്കളാണ് സൈന്യത്തിൽ ചേർന്നത്.