എൽഡിഎഫിന് മുൻതൂക്കം; ബിജെപി ഇത്തവണയും അക്കൗണ്ട് തുറക്കില്ല: സിഇഎസിൻ്റെ കേരളത്തിലെ തെരഞ്ഞെടുപ്പ് സർവ്വേഫലം പുറത്ത്
9 March 2019
ലോക്സഭാ തെരഞ്ഞെടുപ്പിനോടനുബന്ധിച്ച് സെന്‍റർ ഫോർ ഇലക്ടൽ സ്റ്റഡീസിന്‍റെ (സിഇഎസ്) അഭിപ്രായ വോട്ടെടുപ്പിൽ കേരളത്തിൽ എൽഡിഎഫിന് മുൻതൂക്കം. എൽഡിഎഫിന് ഒന്പതു മുതൽ 12 വരെ സീറ്റുകൾ ലഭിക്കാമെന്നും സർവ്വേയിൽ പറയുന്നു.
യുഡിഎഫിന് 8 മുതൽ 11 വരെ സീറ്റുകൾ ലഭിക്കാമെന്നും സർവ്വേയിൽ പറയുന്നു. ശ്രദ്ധേയമായ കാര്യം ബിജെപി ഇക്കുറിയും കേരളത്തിൽ അക്കൗണ്ട് തുറക്കില്ല എന്നുള്ളതാണ്. ഇതുവരെ പുറത്തുവന്ന മറ്റു സർവേകളിൽനിന്ന് തികച്ചും വ്യത്യസ്തമായ ചിത്രമാണ് സിഇഎസ് സർവ്വെയിൽ തെളിയുന്നത്.
എൽഡിഎഫ്- 40.3, യുഡിഎഫ്- 39 എന്നിങ്ങനെയാണ് പ്രതീക്ഷിക്കപ്പെടുന്ന വോട്ട് ശതമാനം. ബിജെപി 15.5 ശതമാനം വോട്ട് നേടുമെന്ന് പ്രതീക്ഷിക്കുന്നുണ്ട്.
