യുപിയിൽ ഒറ്റയ്ക്കു മത്സരിക്കുമെന്ന് കോണ്ഗ്രസ്
ലക്നോ: ഉത്തർപ്രദേശിൽ ലോക്സഭാ തെരഞ്ഞെടുപ്പിൽ ആരുമായും സജിജെഹ്യത്തിനില്ലെന്നു കോൺഗ്രസ്. യുപിയുടെ ചുമതലയുള്ള എഐസിസി ജനറൽ സെക്രട്ടറി ജ്യോതിരാദിത്യയാണ് ഇക്കാര്യവും പറഞ്ഞത്. എസ്പി-ബിഎസ്പി സഖ്യവുമായി കോൺഗ്രസ്സ് കൂട്ടുകെട്ട് ഉണ്ടാക്കുമോ എന്ന ചോദ്യത്തോട് പ്രതികരിക്കവെയാണ് ജ്യോതിരാദിത്യ തെരഞ്ഞെടുപ്പ് സഖ്യ വാർത്തകൾ തള്ളിയത്.
എസ്പി-ബിഎസ്പി സഖ്യത്തോട് 20 സീറ്റാണു കോൺഗ്രസ് ആവശ്യപ്പെട്ടത്. എന്നാൽ, അമേത്തിയും റായ്ബറേലിയും ഒഴിച്ചിട്ട് ബാക്കി 78 മണ്ഡലങ്ങളും പങ്കിട്ടെടുക്കുകയാണ് എസ്പിയും ബിഎസ്പിയും ചെയ്തത്. ഇതാണ് കോൺഗ്രസ്സിനെ ചൊടിപ്പിച്ചത്.
ഒരേ ആശയമുള്ള പാർട്ടികൾ ഒരേ തരത്തിൽ ചിന്തിക്കണമെന്നും എസ്പി-ബിഎസ്പി സഖ്യത്തിനു മറുപടിയായി അദ്ദേഹം പറഞ്ഞു. കോണ്ഗ്രസിനായി രണ്ടു സീറ്റ് ഒഴിച്ചിട്ട സഖ്യത്തിനു വേണ്ടി രണ്ടു, മൂന്ന് സീറ്റുകൾ തങ്ങളും ഒഴിച്ചിടാമെന്ന് സിന്ധ്യ പരിഹസിക്കുകയും ചെയ്തു.