പാക് തടവുകാരൻ ഇന്ത്യയിൽ വച്ച് ചികിത്സയിലിരിക്കേ മരിച്ചു
8 March 2019
ഇന്ത്യയിൽ ചികിത്സയിലിരിക്കെ പാകിസ്ഥാൻ തടവുകാരൻ മരിച്ചു. ഗുജറാത്തിലെ അഹമ്മദാബാദിൽ ചികിത്സയിലിരിക്കെയാണ് തടവുകാരൻ മരണപ്പെട്ടത്.
കറാച്ചി സ്വദേശിയായ മുഹമ്മദ് അനിൻ ചൗധരിയാണ് അഹമ്മദാബാദിലെ സിവിൽ ആശുപത്രിയിൽ ചികിത്സയിലിരിക്കെ മരിച്ചത്. 2017ൽ ഇന്ത്യ-പാക് അതിർത്തി ലംഘിച്ച് മത്സ്യബന്ധനം നടത്തിയതിനാണ് മുഹമ്മദ് പിടിയിലായത്.
മൂന്ന് വർഷം തടവിനാണ് പ്രാദേശിക കോടതി മുഹമ്മദിനെ ശിക്ഷിച്ചത്. കുച്ച് ജില്ലയിലെ പലാര ജയിലിൽ ശിക്ഷ അനുഭവിച്ച് വരികയാണ് മരണം സംഭവിച്ചത്.