കള്ളൻ മാത്രമല്ല ഭീരുവും കൂടിയാണ് നരേന്ദ്രമോദി: രൂക്ഷവിമർശനവുമായി രാഹുൽഗാന്ധി
പ്രധാനമന്ത്രി നരേന്ദ്ര മോദി കള്ളൻ മാത്രമല്ല ഭീരുവാണെന്ന് കോണ്ഗ്രസ് അധ്യക്ഷൻ രാഹുൽ ഗാന്ധി. അഴിമതിയെ സംബന്ധിച്ച തുറന്ന ചർച്ചയ്ക്ക് മോദിയെ വെല്ലുവിളിക്കുകയാണ്. എന്നാൽ മോദി അത് ഏറ്റെടുക്കുന്നില്ല എന്നും അദ്ദേഹം പറഞ്ഞു.
അദ്ദേഹം ഭീരുവാണ്- രാഹുൽ മുംബൈയിൽ റാലിയെ അഭിസംബോധന ചെയ്തുകൊണ്ട് പറഞ്ഞു. മുംബൈയിലെ ചേരിയിൽ കഴിയുന്നവർക്ക് കോണ്ഗ്രസ് അധികാരത്തിലെത്തിയാൽ 500 ചതുരശ്രയടി വീടുകൾ നൽകും. വീടുകൾ അനുവദിക്കാൻ പത്ത് ദിവസം പറയുന്നു. എന്നാൽ രണ്ട് ദിവസത്തിനകം ഇക്കാര്യം ചെയ്യാമെന്ന് താൻ ഉറപ്പു നൽകുന്നുവെന്നും രാഹുൽ പറഞ്ഞു.
നൂറ് സ്മാർട്ട് സിറ്റികൾ വികസിപ്പിക്കുന്നതിനെ കുറച്ച് മോദി സംസാരിക്കുന്നു. മുംബൈ സ്മാർട്ട് സിറ്റിയാണ്. അതിന്റെ ശക്തിയും ആവശ്യങ്ങളും അംഗീകരിക്കപ്പെടേണ്ടതുണ്ടെന്നും രാഹുൽ ഗാന്ധി കൂട്ടിച്ചേർത്തു. മുംബൈ ഇന്ത്യയുടെ ആത്മാവാണെന്നും രാഹുൽ ഗാന്ധി ചൂണ്ടിക്കാട്ടി.