അഭിനന്ദൻ വീണ്ടും ഇന്ത്യൻ മണ്ണിൽ
1 March 2019
ഇന്ത്യൻ വ്യോമസേനാ വിംഗ് കമാൻഡർ അഭിനന്ദൻ ഇന്ത്യൻ മണ്ണിൽ. പാകിസ്ഥാൻ അധികൃതർ വാഗാ അതിർത്തിയിൽ എത്തിച്ച അഭിനന്ദനെ വ്യോമ സേനയുടെ ഗ്രൂപ്പ് കമൻഡാന്റ് ജെ.ഡി. കുര്യൻ സ്വീകരിച്ചു. വാഗാ അതിർത്തി ചെക്ക്പോസ്റ്റിൽ മെഡിക്കൽ പരിശോധനയ്ക്കുശേഷം റെഡ്ക്രോസിന്റെ സാന്നിധ്യത്തിലാണ് അഭിനന്ദനെ ഇന്ത്യക്കു കൈമാറിയത്.
ബുധനാഴ്ചയാണ് അഭിനന്ദനെ പാകിസ്താന് പിടികൂടിയത്. അദ്ദേഹം പറപ്പിച്ചിരുന്ന മിഗ്-21 ബൈസണ് പോര്വിമാനം പാക് അധീന കശ്മീരില് തകര്ന്നുവീണതിനെ തുടര്ന്നായിരുന്നു ഇത്. ‘സമാധാനത്തിന്റെ സന്ദേശ’മെന്ന നിലയില് അഭിനന്ദന് വര്ത്തമാനെ വെള്ളിയാഴ്ച വിട്ടയക്കുമെന്ന് പാക് പാര്ലമെന്റിന്റെ സംയുക്ത സമ്മേളനത്തില് പാക് പ്രധാനമന്ത്രി ഇമ്രാന് ഖാന് പ്രഖ്യാപിക്കുകയായിരുന്നു.