കശ്മീരിൽ പാകിസ്ഥാനെതിരെ ഇന്ത്യ സൈനികനീക്കം നടത്തുന്നില്ല; നിലവിലെ സേനാവിന്യാസം ലോക്സഭാ തെരഞ്ഞെടുപ്പ് മുന്നൊരുക്കത്തിന്റെ ഭാഗമായാണെന്നു ഗവർണർ
പുൽവാമ ഭീകരാക്രമണത്തിന്റെ പശ്ചാത്തലത്തിൽ പാകിസ്ഥാനെതിരെ ഇന്ത്യ സൈനികനീക്കം നടത്തുന്നില്ലെന്ന് വ്യക്തമാക്കി ജമ്മു കശ്മീർ ഗവർണർ. ഇന്ത്യയുടെ സൈനിക നീക്കമുണ്ടാകുമെന്ന അഭ്യുഹങ്ങളും സമൂഹമാധ്യമങ്ങളിലൂടെയുള്ള തെറ്റായ പ്രചാരണങ്ങളും വിശ്വസിക്കരുതെന്ന് ജമ്മു കാശ്മീർ ഗവർണർ സത്യപാൽ മാലിക് പറഞ്ഞു.
കശ്മീരിൽ സൈനികവിന്യാസം നടക്കുന്നു എന്നുള്ളത് സത്യമാണ്. എന്നാൽ അത് പാകിസ്ഥാനെതിരെയുള്ള സൈനികനീക്കത്തിൻ്റെ ഭാഗമായല്ല. സംസ്ഥാനത്ത് കൂടുതൽ സേനാവിന്യാസം നടത്തുന്നത് ലോക്സഭാ തെരഞ്ഞെടുപ്പ് മുന്നൊരുക്കത്തിന്റെ ഭാഗമായാണ്- ഗവർണർ വ്യക്തമാക്കി.
ഇതിനെ മറ്റെന്തെങ്കിലും നീക്കമായി ആരും കാണേണ്ട. ജനങ്ങൾ ശാന്തരായിരിക്കണമെന്നും ജമ്മു കശ്മീർ ജനതയോട് ഗവർണർ അഭ്യർഥിച്ചു.