നടി അതിഥി മേനോന് അഭി ശരവണനെതിരെ കേസ് കൊടുത്തതിന് പിന്നാലെ സ്വകാര്യ വീഡിയോയും പുറത്ത്
തനിക്കു നേരേ വ്യാജപ്രചരണങ്ങള് നടത്തുന്നുവെന്നാരോപിച്ച് നടി അതിഥി മേനോന് നടന് അഭി ശരവണനെതിരെ കഴിഞ്ഞ ദിവസമാണ് പോലീസില് പരാതി നല്കിയത്. ഇതേത്തുടര്ന്ന് താനും നടി അതിഥി മേനോനും വിവാഹിതരാണെന്ന വാദവുമായി നടന് രംഗത്തെത്തുകയും ചെയ്തിരുന്നു.
വാര്ത്താസമ്മേളനം നടത്തി അതിഥിക്കെതിരേ തെളിവുകളും നടന് പുറത്തുവിട്ടിരുന്നു. അതിഥിയുമായുള്ള തന്റെ വിവാഹം മധുരയില് വച്ച് കഴിഞ്ഞുവെന്നാണ് അഭി പറഞ്ഞത്. തുടര്ന്ന് വിവാഹ സര്ട്ടിഫിക്കറ്റും ഒരുപാട് ചിത്രങ്ങളും നടന് പരസ്യപ്പെടുത്തി.
ഇതിനിടയിലാണ് അഭി അതിഥിയെ വിവാഹം കഴിക്കുന്ന സ്വകാര്യ വീഡിയോയും സമൂഹമാധ്യമങ്ങളിലൂടെ പുറത്തുവന്നിരിക്കുന്നത്. ഒരു റൂമില് ഇരുവരും ഒന്നിച്ചുള്ള സ്വകാര്യനിമിഷങ്ങളാണ് ഇന്റര്നെറ്റിലൂടെ പുറത്തായത്.
എന്നാല് അഭി ശരവണനെ താന് വിവാഹം കഴിച്ചിട്ടില്ലെന്ന വാദത്തില് ഉറച്ചു നില്ക്കുകയാണ് അതിഥി. തനിക്കെതിരേ വ്യാജ തെളിവുകള് ഉണ്ടാക്കുകയാണെന്നു അതിഥി ആരോപിക്കുന്നു. ഞങ്ങള് പ്രണയത്തിലായിരുന്നു എന്നത് സത്യമാണ്. അഭിപ്രായ വ്യത്യാസങ്ങള് ഉണ്ടായതിനെ തുടര്ന്ന് എല്ലാം സംസാരിച്ച് പിരിഞ്ഞതായിരുന്നു.
ഇപ്പോള് എന്തിനാണ് ഇങ്ങനെ ഉപദ്രവിക്കുന്നത് എന്ന് അറിയില്ല. ഞങ്ങളുടെ വിവാഹം കഴിഞ്ഞതാണെന്ന് പറഞ്ഞ് വ്യജ വിവാഹസര്ട്ടിഫിക്കറ്റ് ഉണ്ടാക്കിയിട്ടുണ്ട്. അതിനെതിരേയും പരാതി നല്കിയിട്ടുണ്ട്.’–അതിഥി മാധ്യമങ്ങളോട് പറഞ്ഞു.
2016 ല് പുറത്തിറങ്ങിയ പട്ടതാരി എന്ന ചിത്രത്തിലൂടെയാണ് അതിഥിയും അഭിയും പ്രണയത്തിലാകുന്നത്. ഇരുവരും ചേര്ന്നാണ് ചിത്രത്തിലെ പ്രധാനകഥാപാത്രങ്ങളെ അവതരിപ്പിച്ചത്. എന്നാല് മാസങ്ങള്ക്കകം ഇരുവരും വേര്പിരിഞ്ഞു. അഭിയുമായി പിരിഞ്ഞതിനുശേഷം അതിഥി കേരളത്തിലേക്ക് മടങ്ങി.
അതിനുശേഷമാണ് അഭിയെ കാണാതായത്. മകന്റെ തിരോധാനത്തില് അതിഥിക്ക് പങ്കുണ്ടെന്ന് സംശയിക്കുന്നുവെന്ന് ആരോപിച്ച് അഭി ശരവണന്റെ മാതാപിതാക്കള് പൊലീസില് മൊഴി നല്കിയിരുന്നു. കൂടാതെ അഭിയെ അതിഥി തട്ടിക്കൊണ്ടുപോയി ചെന്നൈയിലെ വീട്ടില് താമസിപ്പിച്ചിരിക്കുകയാണെന്ന തരത്തിലുള്ള വാര്ത്തകള് വ്യാപകമായി പ്രചരിച്ചിരുന്നു.
എന്നാല് കാണാതായെന്ന് പരാതി നല്കിയതിന്റെ തൊട്ടടുത്ത ദിവസം അഭി വീട്ടില് തിരികെയെത്തി. സുഹൃത്തുക്കള്ക്കൊപ്പമായിരുന്നു താനെന്നാണ് അഭിയുടെ വിശദീകരണം. ഇതോടെ അഭി ശരവണന് തന്നെ അപകീര്ത്തിപെടുത്താന് വ്യാജ പ്രചരണങ്ങള് നടത്തുന്നുവെന്നും ശല്യം ചെയ്യുന്നുവെന്നും ചൂണ്ടിക്കാട്ടി അതിഥി പൊലീസില് പരാതി നല്കുകയായിരുന്നു.