വീണ്ടും ഓഫീസിനെ പഴിചാരി കണ്ണന്താനം; ചിത്രം ഫേസ്ബുക്കിലിട്ടത് ഓഫീസിലുള്ളവര്: ഞാന് സൈനികൻ്റെ മകന്
കാശ്മീരില് വീരമൃത്യു വരിച്ച സിആര്പിഎഫ് ജവാന് വിവി വസന്തകുമാറിന്റെ അന്ത്യകര്മ്മങ്ങളില് പങ്കെടുത്തതുമായി ബന്ധപ്പെട്ടുണ്ടായ സെല്ഫി വിശദീകരണവുമായി കേന്ദ്രമന്ത്രി അല്ഫോന്സ് കണ്ണന്താനം. രംഗത്ത്. വീരമൃത്യു വരിച്ച ജവാന്റെ വസതിയില് ഞാന് ആദരാഞ്ജലികള് അര്പ്പിച്ചു മുന്നോട്ടു കടക്കുമ്പോള് ആരോ എടുത്ത് സോഷ്യല് മീഡിയ കൈകാര്യം ചെയുന്ന എന്റെ ഓഫീസിലേക്ക് അയച്ചു കൊടുത്തതാണ് മേല്പറഞ്ഞ ചിത്രമെന്നാണ് കണ്ണന്താനത്തിൻ്റെ വാദം.
താന് സെല്ഫി എടുക്കാറില്ല, ഇതുവരെ സെല്ഫി എടുത്തിട്ടുമില്ല. വീര മൃത്യു വരിച്ച ജവാന്റെ വസതിയില് നടന്ന അന്ത്യകര്മ്മങ്ങളുടെ ലൈവ് ചില മാധ്യമങ്ങള് സംപ്രേഷണം ചെയ്തിരുന്നു. അതിലും കാര്യങ്ങള് വ്യക്തമാണെന്നും അദേഹം ഫേസ്ബുക്കില് കുറിച്ചു.
ആ ചിത്രം സെല്ഫിയല്ലയെന്നു വിശദമായി നോക്കിയാല് മനസിലാകും. മാത്രവുമല്ല ഞാന് സെല്ഫി എടുക്കാറില്ല, ഇതുവരെ സെല്ഫി എടുത്തിട്ടുമില്ല. വീര മൃത്യു വരിച്ച ജവാന്റെ വസതിയില് നടന്ന അന്ത്യകര്മ്മങ്ങളുടെ ലൈവ് ചില മാധ്യമങ്ങള് സംപ്രേഷണം ചെയ്തിരുന്നു. അതിലും കാര്യങ്ങള് വ്യക്തമാണ്- കണ്ണന്താനം പറഞ്ഞു.