പ്രസാദം കഴിച്ച 50 വിദ്യാർത്ഥികൾ അവശനിലയിൽ ആശുപത്രിയിൽ പ്രവേശിപ്പിച്ചു
11 February 2019
ജാർഖണ്ഡിൽ പ്രസാദം കഴിച്ച 50 വിദ്യാർത്ഥികൾ അവശനിലയിൽ ആശുപത്രിയിൽ. ജാർഖണ്ഡിലെ ലോഹർദാഗ ജില്ലയിലാണു സംഭവം.
സരസ്വതീപൂജയ്ക്ക് ശേഷം നൽകിയ പ്രസാദം കഴിച്ച കുട്ടികൾക്കാണ് ഭക്ഷ്യവിഷബാധയേറ്റത്. ആറിനും ഏഴിനും ഇടയിൽ പ്രായമുള്ള കുട്ടികളെയാണ് ആശുപത്രിയിൽ പ്രവേശിപ്പിച്ചിരിക്കുന്നതെന്ന് സിവിൽ സർജൻ വിജയ് കുമാർ അറിയിച്ചു.
പ്രസാദം കഴിച്ചയുടനെ വിദ്യാർത്ഥികൾ ഛർദിക്കുകയും അവശനിലയിലാകുകയുമായിരുന്നു. എല്ലാ കുട്ടികളും അപകടനില തരണം ചെയ്തതായി റിപ്പോർട്ടുകളുണ്ട്.