ആസാമിൽ മോദിക്കു നേരെ കരിങ്കൊടി; ഏഴ് പേർ കസ്റ്റഡിയിൽ
9 February 2019
ഗുവാഹത്തി: പ്രധാനമന്ത്രി നരേന്ദ്ര മോദിക്കെതിരെ ആസാമിൽ കരിങ്കൊടി പ്രതിഷേധം. വിമാനത്താവളത്തിൽ നിന്നും ഗുവാഹത്തി യുണിവേഴ്സ്റ്റിറ്റിക്കു മുന്നിലൂടെ രാജ്ഭവനിലേക്കു പോകുംവഴിയാണ് വിദ്യാർഥികൾ കരിങ്കൊടി കാണിച്ചത്.
ആസാം വിദ്യാര്ഥി യൂണിയന്റെ നേതൃത്വത്തിലായിരുന്നു പ്രതിഷേധം. പൗരത്വ ഭേദഗതി ബിൽ നിയമമാക്കുന്നതിനെതിരെ ശക്തമായ പ്രതിഷേധമാണ് ആസമിൽ അരങ്ങേറുന്നത്. ഇതിന്റെ ഭാഗമായിട്ടാണ് പ്രധാന മന്ത്രിക്കെതിരെ കരിങ്കൊടി കാണിച്ചത്.
സംഭവത്തിൽ ഏഴ് പേരെ കസ്റ്റഡിയിൽ എടുത്തതായി സിറ്റി കമ്മീഷണർ ദീപക് കുമാർ പറഞ്ഞു. പൗരത്വ ഭേദഗതി ബിൽ നിയമമാക്കുന്നതിനെതിരെ ശക്തമായ പ്രതിഷേധമാണ് ആസമിൽ അരങ്ങേറുന്നത്