സ്കൂള് അടിച്ചുവാരിയില്ല; പ്രിന്സിപ്പലിന്റെ മര്ദനമേറ്റ് 16 വിദ്യാര്ത്ഥികള് ആശുപത്രിയില്
സ്കൂള് വൃത്തിയാക്കാത്തതിന് പ്രിന്സിപ്പല് 16 വിദ്യാര്ത്ഥികളെ മര്ദിച്ച് അവശരാക്കിയതായി പരാതി. ഇവരെ ആശുപത്രിയില് പ്രവേശിപ്പിച്ചു. സംഭവത്തില് പ്രതിഷേധിച്ച് നാട്ടുകാര് പ്രതിഷേധവുമായി രംഗത്തെത്തി. ബിഹാറിലെ വൈശാലിയിലാണ് സംഭവം.
സ്കൂള് വൃത്തിയാക്കാനുള്ള ചുമതല അവിടത്തെ വിദ്യാര്ഥികള്ക്കാണ് നല്കിയിരുന്നത്. എന്നാല് കഴിഞ്ഞ ദിവസം സ്കൂള് അടിച്ചുവാരാന് നിയോഗിച്ചരുന്ന വിദ്യാര്ത്ഥികള് അതിന് തയ്യാറായില്ല. ഇതാണ് പ്രിന്സിപ്പലിനെ ചൊടിപ്പിച്ചത്. തുടര്ന്ന് 16 വിദ്യാര്ഥികളെ പ്രിന്സിപ്പല് രാജേഷ്കുമാര് വിളിച്ചുവരുത്തി ക്രൂരമായി മര്ദിക്കുകയായിരുന്നു.
അവശരായ വിദ്യാര്ത്ഥികളെ അടുത്തുളള ആശുപത്രിയില് പ്രവേശിപ്പിച്ചു. സംഭവമറിഞ്ഞ് സ്കൂളിലെ മറ്റ് കുട്ടികളുടെ രക്ഷിതാക്കളും നാട്ടുകാരും പ്രതിഷേധം തുടങ്ങി. അന്വേഷണം നടത്തി പ്രിസന്സിപ്പലിനെതിരെ നടപടിയെടുക്കണമെന്നാണ് ഇവരുടെ ആവശ്യം.