Latest News

ഇന്ധനവില വീണ്ടും കുതിക്കുന്നു; തുടര്‍ച്ചയായ 12-ാം ദിവസവും പെട്രോള്‍ ഡീസല്‍ വില കൂട്ടി

രാജ്യത്ത് ഇന്ധനവില വീണ്ടും കുത്തനെ ഉയരുന്നു. പെട്രോള്‍ ലിറ്ററിന് 18 പൈസയാണ് ഇന്ന് കൂടിയത്. ഇതോടെ പെട്രോളിന്റെ വില ലിറ്ററിന് 74 കടന്നു. ഡീസല്‍ ലിറ്ററിന് 26 പൈസയും കൂട്ടി. 70രൂപ 60 പൈസയാണ് ഒരു ലിറ്റര്‍ ഡീസലിന്റെ ഇന്നത്തെ വില.

രൂപയുടെ വിലയിടിവ് തുടരുന്നതും അന്താരാഷ്ട്രവിപണിയില്‍ ക്രൂഡ് ഓയില്‍ വില കൂടിയതുമാണ് വര്‍ധനയ്ക്ക് കാരണമെന്ന് എണ്ണക്കമ്പനികള്‍ അവകാശപ്പെടുന്നു. 2018 ഒക്ടോബര്‍ നാലിന് ഡല്‍ഹിയില്‍ പെട്രോള്‍ ലിറ്ററിന് 84 രൂപയായും മുംബൈയില്‍ 91 രൂപയായും വര്‍ധിച്ചതാണ് റെക്കൊഡ്.