ശബരിമലയിലെ നിരോധനാജ്ഞ പിൻവലിച്ചു
ശബരിമലയിലുണ്ടായ സംഘർഷങ്ങളുടെ പശ്ചാത്തലത്തിൽ പ്രഖ്യാപിച്ചിരുന്ന നിരോധനാജ്ഞ പിൻവലിച്ചു. തിങ്കളാഴ്ച അർധരാത്രിയോടെയാണ് ശബരിമലയിലെ നിരോധനാജ്ഞ അവസാനിച്ചത്. ഇനി നിരോധനാജ്ഞ നീട്ടേണ്ടതില്ലെന്നും ജില്ലാ ഭരണകൂടവും പോലീസും തമ്മിൽ നടത്തിയ ചർച്ചയിൽ തീരുമാനമായി.
നിരോധനാജ്ഞ പിൻവലിക്കണം എന്ന് ആവശ്യപ്പെട്ടുകൊണ്ട് യു ഡി എഫും ബിജെപിയും നിയമസഭക്ക് അകത്തും പുറത്തും സമരം നടത്തിയിരുന്നു എങ്കിലും സർക്കാർ പിൻവലിക്കാൻ തയ്യാറായിരുന്നില്ല. ഇതുമായി ബന്ധപ്പെട്ടു ഹൈക്കോടതിയിലെ ദേവസ്വം ബെഞ്ചും സർക്കാരിനെ രൂക്ഷമായി വിമർശിച്ചിരുന്നു.
ബിജെപി സമരത്തെ തുടര്ന്നാണ് ശബരിമലയില് നിരോധനാജ്ഞ നിലവിൽ വന്നത്. അതേസമയം, അടിയന്തരസാഹചര്യം ഉണ്ടായെങ്കിൽ ഇനിയും നിരോധനാജ്ഞ പ്രഖ്യാപിക്കുമെന്ന് ജില്ലാ ഭരണകൂടം അറിയിച്ചു.