മകരവിളക്കിന് ശബരിമലയിൽ പോകണം: ജാമ്യ വ്യവസ്ഥയിൽ ഇളവ് ആവശ്യപ്പെട്ട് കെ സുരേന്ദ്രൻ ഹൈക്കോടതിയിൽ
11 January 2019
മകരവിളക്കിന് ശബരിമലയിൽ പോകുവാൻ ജാമ്യ വ്യവസ്ഥയിൽ ഇളവ് ആവശ്യപ്പെട്ട് ബിജെപി ജനറൽ സെക്രട്ടറി കെ സുരേന്ദ്രൻ ഹൈക്കോടതിയെ സമീപിച്ചു. മകരവിളക്ക് ദർശനത്തിനായി ശബരിമലയിൽ പോകാൻ അനുവദിക്കണമെന്നാണ് സുരേന്ദ്രന്റെ ആവശ്യം.
സുരേന്ദ്രന്റെ ഹർജിയിൽ ഹൈക്കോടതി സർക്കാരിന്റെ റിപ്പോർട്ട് ആവശ്യപ്പെട്ടു. ഹർജി തിങ്കളാഴ്ച വീണ്ടും ഹൈക്കോടതി പരിഗണിക്കും.
സന്നിധാനത്ത് സ്ത്രീയെ വധിക്കാൻ ഗൂഢാലോചന നടത്തിയെന്ന കേസിൽ അറസ്റ്റിലായ കെ സുരേന്ദ്രന് കര്ശന ഉപാധികളോടെയായിരുന്നു ജാമ്യം ലഭിച്ചത്. ജാമ്യവ്യവസ്ഥയുടെ ഭാഗമായി സുരേന്ദ്രന് പത്തനംതിട്ട ജില്ലയില് കയറാന് അനുമതിയില്ല.