‘തെമ്മാടി വിജയനും 20 കള്ളന്മാരും ചേര്ന്ന് കേരളം കലാപക്കളമാക്കി’; വിരട്ടാന് വരുന്നവരെ വരട്ടിയ പാരമ്പര്യമാണ് ബിജെപിയുടേതെന്ന് ഗോപാലകൃഷ്ണന്
വിരട്ടാന് നോക്കണ്ട എന്ന മുഖ്യമന്ത്രിയുടെ പ്രസ്താവനയ്ക്ക് മറുപടിയുമായി ബിജെപി സംസ്ഥാന വക്താവ് ബി. ഗോപാലകൃഷ്ണന്. കാക്കിയും കുറച്ചു ലാത്തിയും കാണിച്ച് മുഖ്യമന്ത്രി പിണറായി വിജയന് വിരട്ടിയാല് വിരളുന്നവരല്ല ബിജെപി പ്രവര്ത്തകരെന്നും ഞങ്ങള്ക്ക് വിരട്ടാന് വരുന്നവരെ വരട്ടിയ പാരമ്ബര്യമാണ് ഉള്ളതെന്നും ഗോപാലകൃഷ്ണന് പറഞ്ഞു.
തെമ്മാടി വിജയനും 20 കള്ളന്മാരും ചേര്ന്നാണ് കേരളം കലാപക്കളമാക്കുന്നതെന്നും ബി ഗോപാലകൃഷ്ണന് പറഞ്ഞു. മുഖ്യമന്ത്രിക്ക് സമനില തെറ്റിയോ അതോ ചിത്തഭ്രമം പിടിച്ചോ എന്നറിയില്ല. മുഖ്യമന്ത്രി നാട്ടിലെ ജനങ്ങളെ ഇപ്പോള് തമ്മിലടിപ്പിക്കാന് ശ്രമിക്കുകയാണെന്നും ഗോപാലകൃഷ്ണന് പറഞ്ഞു. നേരിട്ട് ഏറ്റുമുട്ടാന് സാധിക്കാത്ത സിപിഎം ഇപ്പോള് ശിഖണ്ഡികളെ മുന് നിര്ത്തിയാണ് പോരാടുന്നതെന്നും ബി ഗോപാലകൃഷ്ണന് പറഞ്ഞു.
സിപിഎമ്മിന്റെ ശിഖണ്ഡികളായി എസ്ഡിപിഐയ്ക്കാര് വരുന്നുണ്ടെന്നും ബി ഗോപാലകൃഷ്ണന് ആരോപിച്ചു. ഒരു പേരാമ്പ്ര സൃഷ്ടിക്കാനാണ് പിണറായി വിജയന് ശ്രമിക്കുന്നതെന്ന് കേരളത്തിലെ മുസ്ലിമുകള് ഓര്ക്കണമെന്നും ബി ഗോപാലകൃഷ്ണന് പറഞ്ഞു.