മഞ്ജു വാര്യരെ ആശ്രയിച്ചല്ല വനിതാ മതില്: ലക്ഷ്യം ഗിന്നസ് റെക്കോഡെന്ന് എം.എം മണി
മലപ്പുറം : നടി മഞ്ജുവാര്യരുടെ പിന്മാറ്റം വനിതാ മതിലിനെ ബാധിക്കില്ലെന്ന് മന്ത്രി എം.എം മണി. നടിയെ ആശ്രയിച്ചല്ല വനിതാ മതില് പ്രഖ്യാപിച്ചതെന്നും മതില് പൊളിയുമെന്ന് പറഞ്ഞ ഉമ്മന്ചാണ്ടിയും ചെന്നിത്തലയും ജനുവരി ഒന്നിന് എത്തിയാല് മതില് എങ്ങനെ കെട്ടുമെന്ന് കാണിച്ചു തരാം. വനിതാ മതിലിലൂടെ ഗിന്നസ് റെക്കോര്ഡ് ലക്ഷ്യമിടുന്നതായും എം.എം മണി കൂട്ടിച്ചേര്ത്തു.
താന് വനിതാമതിലിനൊപ്പമാണെന്നും നവോത്ഥാനമൂല്യം സംരക്ഷികണമെന്നും സ്ത്രീ പുരുഷ സമത്വം അനിവാര്യമാണെന്നും മഞ്ജു പറഞ്ഞിരുന്നു.
എന്നാല് പിന്നീട് സംസ്ഥാന സര്ക്കാറിന്റെ നേതൃത്വത്തില് സംഘടിപ്പിക്കുന്ന വനിതാ മതിലില് നിന്നും നടി മഞ്ജു വാര്യര് പിന്മാറിയിരുന്നു.
വനിതാ മതിലിന് രാഷ്ട്രീയ നിറം വന്നു ചേര്ന്നത് അറിഞ്ഞിരുന്നില്ലെന്നും പാര്ട്ടികളുടെ കൊടികളുടെ നിറത്താല് വ്യാഖ്യാനിക്കപ്പെടുന്ന തരത്തിലുള്ള രാഷ്ട്രീയം തനിക്കില്ലെന്നുമായിരുന്നു മഞ്ജു പറഞ്ഞത്.