പിറവംപള്ളിയില് പോലീസ്; ആത്മഹത്യാ ഭീഷണിയുമായി വിശ്വാസികള്
10 December 2018
പിറവം: പിറവം പള്ളിക്കേസുമായി ബന്ധപ്പെട്ട സുപ്രീം കോടതി വിധി നടപ്പാക്കാന് പള്ളി പരിസരത്ത് പൊലീസെത്തി. എന്നാല് പ്രതിഷേധവുമായി യാക്കോബായ വിഭാഗക്കാര് രംഗത്തെത്തുകയും പള്ളിയുടെ ഗേറ്റ് അകത്തുനിന്ന് പൂട്ടുകയും ചെയ്തു.
പള്ളിയുടെ ഉടമസ്ഥാവകാശം ഓര്ത്തഡോക്സ് വിഭാഗത്തിനു വിട്ടുകൊടുക്കണമെന്നാണ് സുപ്രീം കോടതി വിധി. ഇത് നടപ്പാക്കുന്നതിന്റെ ഭാഗമായാണ് പോലീസെത്തിയത്.
യാക്കോബായ വിശ്വാസികളില് ചിലര് പള്ളിയുടെ മുകളില് കയറി പ്രതിഷേധിക്കുന്നുണ്ട്. ഇവരില് ഒരാള് ആത്മഹത്യാ ഭീഷണി മുഴക്കി. ദേഹത്ത് മണ്ണെണ്ണ ഒഴിച്ച് തീ കൊളുത്തുമെന്നായിരുന്നു ഭീഷണി.
പൊലീസിനെ അകത്തു കയറാന് അനുവദിക്കില്ലെന്ന നിലപാടിലാണ് യാക്കോബായ വൈദികരും വിശ്വാസികളും. ബസേലിയോസ് തോമസ് പ്രഥമന് കാത്തോലിക്കാ ബാവയും മറ്റു വൈദികരും വിശ്വാസികളും നിലവില് പള്ളിക്കകത്തുണ്ട്.