വനിതാ മതിലുപണിയാന് ഏതുപണമാണ് ഉപയോഗിക്കുന്നത്?: സര്ക്കാരിനോട് കെ മുരളീധരന്
9 December 2018
വനിതാ മതിലുപണിയാന് സര്ക്കാര് ഏതുപണമാണ് ഉപയോഗിക്കുന്നതെന്ന് വ്യക്തമാക്കണമെന്ന് കെപിസിസി പ്രചാരണ വിഭാഗം അധ്യക്ഷന് കെ.മുരളീധരന്. പ്രളയാനന്തര പുനര്നിര്മാണത്തിനുള്ള പണമാണോ അതിനുപയോഗിക്കുന്നതെന്ന് മുരളീധരന് ചോദിച്ചു.
മതില് പണിയാനായി വിളിച്ച യോഗത്തില് ഒരുനേതാവ് പറഞ്ഞത്, ഇതില് പങ്കുചേരാത്തവര് വിഡ്ഢികളാണെന്നാണ്. അദ്ദേഹം വീട്ടില്പോയി അതു സ്വന്തം മകനോടാണു പറയേണ്ടത്. കേന്ദ്രത്തിലും സംസ്ഥാനത്തും കേസുള്ളതിനാല് മകന് കേന്ദ്രത്തിനൊപ്പവും അച്ഛന് സംസ്ഥാന സര്ക്കാരിനൊപ്പവുമാണ് നില്ക്കുന്നതെന്നും മുരളീധരന് പറഞ്ഞു.