പാനീയത്തില്‍ ലഹരി ചേര്‍ത്ത് എസ്‌ഐ വനിതാ കോണ്‍സ്റ്റബിളിനെ പീഡിപ്പിച്ചു;വീഡിയോ പകര്‍ത്തി ഭീക്ഷണിപ്പെടുത്തിയെന്നും പരാതി
18 November 2018
മുംബൈ: പാനീയത്തില്‍ ലഹരിമരുന്ന് ചേര്‍ത്തു നല്‍കി സബ് ഇന്‍സ്പെക്ടര്‍ വനിതാ കോണ്‍സ്റ്റബിളിനെ പീഡനത്തിനിരയാക്കി. നവി മുംബൈയിലെ ക്രൈം ബ്രാഞ്ചിലെ ഉദ്യോഗസ്ഥനെതിരേ കേസ് രജിസ്റ്റര്‍ ചെയ്തു. ക്രൈംബ്രാഞ്ചിലെ എസ്‌ഐ അമിത് ഷേലാറിനെതിരെയാണ് വനിതാ കോണ്‍സ്റ്റബിള്‍ പരാതി നല്‍കിയിരിക്കുന്നത്. പീഡനത്തിന്റെ വീഡിയോ പകര്‍ത്തി തന്നെ ഭീക്ഷണിപ്പെടുത്തി പല പ്രാവിശ്യം പീഡിപ്പിച്ചുവെന്ന് യുവതി പറഞ്ഞു.
മാര്‍ച്ചില്‍ ആദ്യമായി എസ്‌ഐ പീഡിപ്പിച്ചത്. സിബിഡി, പന്‍വേല്‍, കാമോത്തെ, ഖാര്‍ഖര്‍ തുടങ്ങിയ സ്ഥലങ്ങളില്‍വച്ചാണ് പീഡനത്തിനിരയാക്കിയതെന്നും 31കാരിയായ യുവതിയുടെ പരാതിയില്‍ പറയുന്നു. വനിതാ പോലീസ് കോണ്‍സ്റ്റബിളും ആരോപണവിധേയനായ എസ്‌ഐയും 2010 മുതല്‍ പരിചയമുള്ളവരാണ്. ഇവര്‍ രണ്ടുപേരും ഒരു സ്റ്റേഷനിലാണ് ജോലിചെയ്തിരുന്നത്.
