പതിനാറുകാരിയെയും അമ്മയെയും പീഡിപ്പിച്ചു; ഏഴ് പോലീസുകാരടക്കം 18 പേര്ക്കെതിരെ കേസ്
ഹരിയാനയിലെ കൈതാല് പോലീസ് സ്റ്റേഷന് പരിധിയിലുള്ള ഗ്രാമത്തിലാണ് സംഭവം. പതിനാറുകാരിയെയും അമ്മയെയും പീഡിപ്പിച്ചെന്ന പരാതിയില് ഏഴ് പോലീസ് ഉദ്യോഗസ്ഥരടക്കം 18 പേര്ക്കെതിരെയാണ് കേസെടുത്തിരിക്കുന്നത്. എ.എസ്.ഐയെ കൂടാതെ ഹെഡ് കോണ്സ്റ്റബിള്, കോണ്സ്റ്റബിള് റാങ്കുകളിലുള്ള പോലീസുകാരും പ്രതികളാണ്. പെണ്കുട്ടിയുടെ പരാതിയില് കഴിഞ്ഞ ബുധനാഴ്ചയാണ് പോലീസ് കേസ് രജിസ്റ്റര് ചെയ്തത്.
പ്രധാന പ്രതിയായ എ.എസ്.ഐ തന്നെയും അമ്മയെയും വീട്ടില് വെച്ച് പലവട്ടം പീഡിപ്പിച്ചിട്ടുള്ളതായി പീഡനത്തിനിരയായ പെണ്കുട്ടിയുടെ പരാതിയില് പറയുന്നു. മറ്റു പോലീസുകാര് അടക്കമുള്ളവര് ഇതിന് ഒത്താശ ചെയ്തതായും പരാതിയില് ചൂണ്ടിക്കാണിക്കുന്നു. പോക്സോ നിയമപ്രകാരമാണ് ഇവര്ക്കെതിരെ കേസെടുത്തിരിക്കുന്നത്. കേസില് ആരെയും കസ്റ്റഡിയിലെടുത്തിട്ടില്ല.
എന്നാല് പീഡനത്തിനിരയായ പെണ്കുട്ടിയുടെ പിതാവ് വക്കീലാണെന്നും അദ്ദേഹം കരുതിക്കൂട്ടി തന്നെയും തന്റെ സഹപ്രവര്ത്തകരെയും അപകീര്ത്തിപ്പെടുത്താന് ശ്രമിക്കുകയാണെന്നുമാണ് എ.എസ്.ഐയുടെ നിലപാട്.