സ്റ്റംപിന് പിന്നിലെ ധോണിയുടെ മാന്ത്രികത കണ്ട് കമന്ററി ബോക്സിലിരുന്ന സുനില് ഗവാസ്കര് പറഞ്ഞു: ‘ഈ മനുഷ്യന് എന്തൊരു ജീനിയസാണ്’: വീഡിയോ
വിക്കറ്റിന് പിന്നില് ഒരിക്കല്കൂടി എം.എസ് ധോണിയുടെ മാന്ത്രികത. ഏഷ്യാകപ്പ് സൂപ്പര് ഫോറില് പാക്കിസ്ഥാനെതിരേ ഇന്ത്യ സ്വന്തമാക്കിയ ആദ്യ വിക്കറ്റിലാണ് ധോണിയുടെ ശ്രദ്ധ ഒരിക്കല്കൂടി വ്യക്തമായത്. എട്ടാം ഓവറിലായിരുന്നു സംഭവം. പന്തെറിയുന്നത് യൂസ്വേന്ദ്ര ചാഹല്.
അപ്പുറത്ത് ഇമാം ഉള് ഹഖ്. പന്ത് താരത്തിന്റെ പാഡില് കൊണ്ടെങ്കിലും അംപയര് ഔട്ട് നല്കിയില്ല. അടുത്ത നിമിഷം സ്റ്റംപിന് പിന്നില് നിന്ന് ധോണിയുടെ മെസേജെത്തി. മുന്ക്യാപ്റ്റന്റെ നിര്ദേശം തെല്ലും സംശയമില്ലാതെ ക്യാപ്റ്റന് റിവ്യൂ ചെയ്യാന് ആവശ്യപ്പെട്ടു.
റിവ്യൂവില് ചാഹലിന്റെ പന്ത് മിഡില് സ്റ്റംപില് കൊള്ളുമെന്ന് വ്യക്തമായിരുന്നു. അംപയര് തീരുമാനം മാറ്റി ഔട്ട് വിളിച്ചതോടെ കമന്ററി ബോക്സിലിരുന്നു സുനില് ഗവാസ്കര് വിളിച്ചുപറഞ്ഞു ‘ ഈ മനുഷ്യന് എന്തൊരു ജീനിയസാണ്. എം.എസ്.ഡി. വിസ്മയിപ്പിക്കുകയാണ്’.
നിരവധി പേരാണ് ധോണിയെ പ്രശംസിച്ച് ട്വിറ്ററിലെത്തിയത്. ചെന്നൈ സൂപ്പര് കിങ്സും മുന് ഇന്ത്യന് താരം മുഹമ്മദ് കൈഫും ഇക്കൂട്ടത്തിലുണ്ട്. ഡിആര്എസ് എന്നാല് ധോണി റിവ്യൂ സിസ്റ്റം പേരിലേക്ക് മാറ്റണമെന്നും രസകരമായി ചിലര് ട്വീറ്റ് ചെയ്തിരിക്കുന്നു.
https://twitter.com/iamUmairFar/status/1043844692612239361
DRS Dhoni Review System in action
again. Who needs umpires in front
when Dhoni can see through Batsmen
from behind. #Dhoni #INDvPAKpic.twitter.com/dFaQNhjj2Z— Abhishek Kumar (@_kehkelunga) September 23, 2018