Kerala

വത്തിക്കാന്റെ ഫെയ്‌സ്ബുക്ക് പേജില്‍ മലയാളികളുടെ പൊങ്കാല

ലൈംഗികാരോപണം നേരിടുന്ന ജലന്ധര്‍ ബിഷപ്പ് ഫ്രാങ്കോ മുളയ്ക്കലിനെതിരെ വത്തിക്കാന്‍ ന്യൂസിന്റെ ഔദ്യോഗിക ഫെയ്‌സ്ബുക്ക് പേജില്‍ മലയാളികളുടെ പ്രതിഷേധം. വത്തിക്കാനില്‍ നിന്നുള്ള ഔദ്യോഗിക വാര്‍ത്തകളും പോപ്പ് ഫ്രാന്‍സിസിന്റെ സന്ദേശങ്ങളും പുറത്തുവിടുന്ന വത്തിക്കാന്‍ ന്യൂസിന്റെ ഫെയ്‌സ്ബുക്ക് പേജിലാണ് പ്രതിഷേധ കമന്റുകള്‍ നിറയുന്നത്.

ബിഷപ്പിനെതിരെ നടപടി വേണമെന്നാണ് കമന്റുകളിലൂടെ ആവശ്യപ്പെട്ടിരിക്കുന്നത്. ഇംഗ്ലീഷിലും മലയാളത്തിലുമായി നിരവധി കമന്റുകളാണ് നിറയുന്നത്. പീഡന വീരന്‍ ഫ്രാങ്കോയെ അറസ്റ്റു ചെയ്യുക കന്യാസ്ത്രീകളോട് നീതി പാലിക്കുക, സഭ ഇത്തരക്കാരെ സംരക്ഷിക്കുന്നത് അവസാനിപ്പിക്കുക എന്നീ ആവശ്യങ്ങളാണ് കമന്റിന്റെ ഉള്ളടക്കം.

ബിഷപ്പ് ഫ്രങ്കോയ്‌ക്കെതിരെയുള്ള ലൈംഗിക പീഡന പരാതിയില്‍ യാതൊരു നടപടിയും ഉണ്ടാകാത്തസാഹചര്യത്തില്‍ കന്യാസ്ത്രീകള്‍ കൊച്ചി ഹൈക്കോടതി ജങ്ഷനില്‍ കന്യാസ്ത്രീകള്‍ നിരാഹാര സമരം തുടരുകയാണ്.