‘കഴിച്ചുകൊണ്ടിരിക്കുമ്പോ ഡാഡി എന്നെ പൊള്ളിച്ചു’; ആ നാല് വയസുകാരി പറയുന്നത് കേട്ട് എല്ലാവരും ഞെട്ടി
‘കഴിച്ചുകൊണ്ടിരിക്കുമ്പോ ഡാഡി എന്നെ പൊള്ളിച്ചു’, കണ്ണുനീരിനിടയിലൂടെയാണ് ആ നാലുവയസ്സുകാരി, തന്നെ രക്ഷിക്കാനെത്തിയ എന്ജിഒ പ്രവര്ത്തകരോട് ആ കാര്യം പറഞ്ഞത്. ആ നാല് വയസുകാരി പറയുന്നത് കേട്ട് എല്ലാവരും ഞെട്ടി.
അത്രയ്ക്കും കൊടുംക്രൂരതകളായിരുന്നു ആ കുരുന്ന് അതിനിടയില് അനുഭവിച്ചത്. അമ്മയും അമ്മയുടെ ജീവിതപങ്കാളിയുമാണ് കുട്ടിയെ ക്രൂരമായി പീഡിപ്പിച്ചത്. ഹൈദരാബാദിലാണ് സംഭവം. കുട്ടിയുടെ ഇരുപത്തിയഞ്ചുകാരിയായ അമ്മ ഭര്ത്താവിനെ ഉപേക്ഷിച്ചു മറ്റൊരാള്ക്കൊപ്പമാണ് കഴിഞ്ഞിരുന്നത്.
അടുത്തിടെയായി ഇരുവര്ക്കുമിടയില് അഭിപ്രായവ്യത്യാസങ്ങള് ഉടലെടുത്തതോടെ അതിന്റെ നിരാശയില് കുട്ടിയെ ഇരുവരും ഉപദ്രവിക്കുന്നതു പതിവാക്കിയിരുന്നു. ഭക്ഷണം കഴിച്ചുകൊണ്ടിരിക്കുമ്പോള് ഡാഡി ചൂടാക്കിയ സ്പൂണ് ഉപയോഗിച്ച് തന്റെ ശരീരത്തില് അമര്ത്തി പൊള്ളലേല്പ്പിച്ചു.
ആദ്യം തന്നെ മര്ദ്ദിക്കുകയാണ് അച്ഛന് ചെയ്തിരുന്നത്. എന്നാല് പിന്നീട് ചൂടുള്ള സ്പൂണ് ഉപയോഗിച്ച് പൊള്ളലേല്പ്പിച്ചുവെന്നും കുട്ടി നിറകണ്ണുകളോടെ പറഞ്ഞു. കുഞ്ഞിനെ വീട്ടുകാര് പീഡിപ്പിക്കുന്ന വിവരം സമീപവാസികള് പ്രദേശത്തെ രാഷ്ട്രീയ നേതാവായ അച്ചുതറാവുവിനെ അറിയിക്കുകയായിരുന്നു.
ഇദ്ദേഹം ഉടന് തന്നെ വിവരം എന്ജിഒയില് അറിയിക്കുകയായിരുന്നു. ഇവര് വീട്ടിലെത്തി കുഞ്ഞിനെ രക്ഷിക്കുകയും സര്ക്കാര് അഭയകേന്ദ്രത്തിലേക്ക് മാറ്റുകയും ചെയ്തിട്ടുണ്ട്. കുട്ടിയുടെ അമ്മയ്ക്കും പങ്കാളിക്കുമെതിരെ കേസ് രജിസ്റ്റര് ചെയ്തിട്ടുണ്ട്. സംഭവത്തില് അന്വേഷണം തുടരുകയാണെന്ന് പോലീസ് അറിയിച്ചിട്ടുണ്ട്.