ഉപയോക്താക്കള്‍ക്ക് 16 ജിബി ഡേറ്റ ഫ്രീ: വീണ്ടും ഞെട്ടിച്ച് ജിയോ
രണ്ടാം ജന്മദിനാഘോഷങ്ങളുടെ ഭാഗമായി ഉപയോക്താക്കള്‍ക്ക് റിലയന്‍സ് ജിയോ 16 ജിബി അധിക ഡേറ്റ നല്‍കുന്നു. ‘ടെലികോം ടോക്’ വെബ്‌സൈറ്റിന്റെ റിപ്പോര്‍ട്ട് പ്രകാരം 8 ജിബി അധിക ഡേറ്റാ ഈ മാസവും 8 ജിബി അടുത്ത മാസവുമായിരിക്കും ലഭിക്കുക.
ജിയോ സെലിബ്രേഷന്‍ പാക് എന്നു പേരിട്ടിരിക്കുന്ന ഓഫറിന് നാലു ദിവസമായിക്കും കാലാവധി എന്നും റിപ്പോർട്ടുകളുണ്ട്. ചിലപ്പോള്‍ ഒരോ ഉപയോക്താവിനും വ്യത്യസ്ത വാലിഡിറ്റി ആയിരിക്കുമെന്നും റിപ്പോർട്ടുകളുണ്ട്. എന്നാൽ ഈ ഓഫർ എല്ലാ ഉപയോക്താക്കള്‍ക്കും ഉണ്ടോ എന്ന് ഉറപ്പില്ല. ജിയോയുടെ ഔദ്യോഗിക സ്ഥിരീകരണം വന്നിട്ടില്ല.
മൈജിയോ ആപ്പില്‍, മൈ പ്ലാന്‍സ്’ സെക്‌ഷനിലായിരിക്കും ഇതു കാണാനാകുക. ആക്ടീവ് പ്ലാന്‍സിലും പരിശോധിച്ചു നോക്കുക. ചില ഒഫീസുകളില്‍ (ജിയോ സർവീസ് ഉപയോഗിക്കുന്ന ഒഫീസുകൾ) ഒരു നമ്പറിനു മാത്രമാണ് ലഭിച്ചിരിക്കുന്നത്. ദിവസ അധിക ഡേറ്റയുടെ ദിവസ പരിധി 2ജിബിയാണ്.
