Featured

ഓടുന്ന വിമാനത്തില്‍ നിന്ന് ചാടിയിറങ്ങി കീ കീ ചലഞ്ച്; വീഡിയോ വൈറല്‍

ഓടുന്ന വാഹനത്തില്‍ നിന്ന് ചാടിയിറങ്ങി കീ കി ചലഞ്ച് ചെയ്യുന്ന വീഡിയോകള്‍ ധാരാളം കണ്ടിട്ടുണ്ട്. ട്രെയിനില്‍ നിന്ന് ചാടിയിറങ്ങി കീ കി ചലഞ്ച് കളിച്ച യുവാക്കളെ കോടതി ‘ശിക്ഷിച്ചതും’ ഈ അടുത്തിടെയാണ്. എന്നാല്‍ വിമാനത്തില്‍ നിന്ന് ഓടിയിറങ്ങി കീ കി ചലഞ്ച് നൃത്തം ചെയ്യുന്ന പൈലറ്റുമാരുടെ വീഡിയോയാണ് ഇപ്പോള്‍ സോഷ്യല്‍ മീഡിയയില്‍ വൈറലാകുന്നത്.

പ്രൈവറ്റ് ജെറ്റ് പൈലറ്റായ യുവതിയാണ് വിമാനത്തില്‍ നിന്ന് ഓടിയിറങ്ങി കീകി ചലഞ്ച് നടത്തുന്നത്. കൂട്ടിനായി ഫ്‌ളൈറ്റ് അറ്റന്‍ഡന്റുമുണ്ട്. പൈലറ്റ് വിമാനത്തിന്റെ കോക്പിറ്റില്‍ നിന്ന് റണ്‍വേയിലിറങ്ങുന്നത് വീഡിയോയിലുണ്ട്. സമൂഹമാധ്യമങ്ങളില്‍ വൈറലാണ് ഈ കീകി ചലഞ്ച് വീഡിയോ. എന്നാല്‍ വിമാനം ടാക്‌സി ചെയ്ത് വലിച്ചുകൊണ്ട് പോകുമ്പോഴായാരുന്നു എന്നു പറയുന്ന മറ്റൊരു വിഡിയോയുമുണ്ട്.

കനേഡിയന്‍ റാപ്പ് ഗായകന്‍ ഓബ്രി ഡ്രേക് ഗ്രഹാമിന്റെ ‘ ഇന്‍ മൈ ഫീലിങ്’ എന്ന ഗാനം ഇറങ്ങിയപ്പോള്‍ മുതല്‍ തന്നെ ഹിറ്റാണ്. ഗാനത്തിലെ കീകി എന്നു തുടങ്ങുന്ന വരികളാണ് ചലഞ്ചിനായി തെരഞ്ഞെടുക്കുന്നത്. ‘കീകി ഡു യു ലൗ മീ, ആര്‍ യു റൈഡിങ്’ എന്ന വരികള്‍ കേള്‍ക്കുമ്പോള്‍ കാറില്‍ നിന്ന് ഇറങ്ങുകയും, വാതില്‍ തുറന്ന രീതിയില്‍ പതിയേ ഓടുന്ന കാറിനൊപ്പം നൃത്തം ചെയ്യുകയുമാണ് ‘കീകി’ ചലഞ്ച്. ഇന്ത്യയിലേയും വിവിധ സംസ്ഥാനങ്ങളുടെ ട്രാഫിക് പൊലീസും കീകി ചലഞ്ചിനെതിരെ രംഗത്ത് വന്നിട്ടുണ്ട്.