Movies

‘വീഡിയോ എടുത്തോ, പക്ഷേ മമ്മൂട്ടിയെ കാണിക്കരുത്’; സോഷ്യല്‍ മീഡിയയില്‍ തരംഗമായി മുത്തശ്ശി

ദുരിതാശ്വാസ പ്രവര്‍ത്തനത്തിന് സഹായവുമായെത്തിയ ഒരു മുത്തശ്ശിയുടെ വീഡിയോ സോഷ്യല്‍ മീഡിയയില്‍ വൈറലാകുന്നു. തന്റെ അക്കൗണ്ടില്‍ ആകെയുണ്ടായിരുന്ന ഒരു ലക്ഷം രൂപയും ദുരിത ബാധിതരെ സഹായിക്കാനായി നല്‍കിയിരിക്കുകയാണ് മുത്തശ്ശി.

Posted by Asif Wayanad Shameer on Sunday, August 19, 2018

എന്നാല്‍ മുത്തശ്ശി ശ്രദ്ധേയയായത് ദുരിതാശ്വാസ നിധിയിലേക്ക് പണം കൊടുത്തതു കൊണ്ട് മാത്രമല്ല. കാശും സാധനങ്ങളും നല്‍കിയ ശേഷം ക്യാമ്പില്‍ നിന്ന് പുറത്തിറങ്ങവെയുള്ള ശാന്തകുമാരിയെന്ന അമ്മയുടെ മാസ് ഡയലോഗ് കൊണ്ടാണ്. ‘ വിഡിയോ എടുത്തോ, പക്ഷേ മമ്മൂട്ടിയെ കാണിക്കരുത്. മൂപ്പര് ബന്ധം ഒഴിയും എന്റെ സൗന്ദര്യം കണ്ടിട്ട്’ എന്ന് പറയുമ്പോള്‍ ആ മനസ്സിന്റെ സൗന്ദര്യം പ്രകടമായിരുന്നു.

മൂന്ന് വര്‍ഷം മുമ്പ് ഭര്‍ത്താവ് മരിച്ച ശാന്തകുമാരി വാടക വീട്ടിലാണ് താമസം. ഇടയ്ക്ക് വീണ് പരിക്കേറ്റ കയ്യുമായാണ് ക്യാമ്പിലെത്തിയതെങ്കിലും ആ മുഖത്തും മനസ്സിലുമുള്ള ആര്‍ജ്ജവം പലര്‍ക്കും മാതൃകയാണ്.