ഏഷ്യന്‍ ഗെയിംസ്; ഇന്ത്യയ്ക്ക് വീണ്ടും സ്വര്‍ണ്ണം
21 August 2018
ഏഷ്യന്‍ ഗെയിംസില്‍ ഇന്ത്യയ്ക്ക് വീണ്ടും സ്വര്‍ണ്ണം. 10 മീറ്റര്‍ എയര്‍ റൈഫിളില്‍ സൗരഭ് ചൗധരിയാണ് ഇന്ത്യയ്ക്ക് സ്വര്‍ണ്ണം സമ്മാനിച്ചത്. ഒളിംപിക്- ലോല ജേതാക്കളെയാണ് 16 കാരനായ ചൗധരി തോല്‍പിച്ചത്. ഇന്ത്യയുടെ തന്നെ അഭിഷേക് വര്‍മ്മയ്ക്കാണ് വെങ്കലം. ഇതോടെ ഇന്ത്യയ്ക്ക് 3 സ്വര്‍ണ്ണമടക്കം ഏഴ് മെഡലായി. നിലവില്‍ ഗെയിംസില്‍ ഏഴാം സ്ഥാനത്താണ് ഇന്ത്യ.
നേരത്തെ വനിതാ വിഭാഗം 50 കിലോഗ്രാം ഫ്രീസ്‌റ്റൈല്‍ ഗുസ്തിയില്‍ വിനേഷ് ഫൊഗട്ടാ സ്വര്‍ണം നേടിയിരുന്നു. ഫൈനലില്‍ ജപ്പാന്‍ താരം യൂകി ഇറിയെ 6-2ന് വീഴ്ത്തിയാണ് ഇരുപത്തിനാലുകാരിയായ ഫൊഗട്ട് ഇന്ത്യയുടെ രണ്ടാം സ്വര്‍ണമെഡല്‍ ജേതാവായത്. പുരുഷവിഭാഗം ഗുസ്തിയില്‍ ബജ്‌റംഗ് പൂനിയ ആദ്യ ദിനത്തില്‍ സ്വര്‍ണം നേടിയിരുന്നു.
