വെനസ്വേലന് പ്രസിഡന്റ് ഡ്രോണ് ആക്രമണത്തില് നിന്ന് രക്ഷപ്പെട്ടത് തലനാരിഴയ്ക്ക്;ഏഴ് സൈനികര്ക്കു പരിക്ക്
കാരക്കസ്: ഇക്വഡോര് പ്രസിഡന്റ് നിക്കോളാസ് മഡുറോയ്ക്കു നേരെ ഡ്രോണ് ആക്രമണം. രാജ്യതലസ്ഥാനമായ കാരക്കസില് സൈന്യത്തെ അഭിസംബോധന ചെയ്യുന്നതിനിടെയാണ് ആക്രമണമുണ്ടായത്. സംഭവത്തില് ഏഴ് സൈനികര്ക്ക് പരിക്കേറ്റി. ആക്രമണം ഉണ്ടായ ഉടന് സൈനികര് എല്ലാവരും പലയിടത്തേക്ക് ചിതറിയോടുകയായിരുന്നു. പൊടുന്ന പ്രസംഗം അവസാനിപ്പിച്ച മഡുറോയെ സുരക്ഷാ ഉദ്യോഗസ്ഥര് സ്ഥലത്തു നിന്ന് മാറ്റി. ഉഗ്രശേഷിയുള്ള സ്ഫോടക വസ്തുക്കളായിരുന്നു ഡ്രോണിനുള്ളിലുണ്ടായിരുന്നത്.
മഡുറോ പ്രസംഗിക്കുന്നതിന്റെയും സൈനികര് ചിതറിയോടുന്നതിന്റെയും ദൃശ്യങ്ങള് പുറത്ത് വന്നിട്ടുണ്ട്.
പ്രസിഡന്റിന്റെ ജീവനെടുക്കാനുള്ള ശ്രമമാണ് ഉണ്ടായതെന്ന് വാര്ത്തവിനിമയ വകുപ്പ് മന്ത്രി ജോര്ജ് റോഡിഗ്രസ് പറഞ്ഞു. വെനസ്വേലന് ആര്മിയുടെ 81ാം വാര്ഷിക പരിപാടിയില് സംസാരിക്കുമ്പോഴാണ് മഡുറോക്ക്നേരെആക്രമണമുണ്ടായത്.
സ്ഫോടകവസ്തുക്കള് നിറച്ച രണ്ട് ഡ്രോണുകള് പ്രസിഡന്റ് സംസാരിക്കുന്ന സ്റ്റാന്ഡിനടുത്ത് എത്തിയെന്നും വാര്ത്തവിനിമയ വകുപ്പ് മന്ത്രി വ്യക്തമാക്കി. രാജ്യത്തെ വലതുപക്ഷ സംഘടനകളാണ് ആക്രമണത്തിന് പിന്നിലെന്നും അദ്ദേഹം ആരോപിച്ചു.തെരഞ്ഞെടുപ്പിലേറ്റ പരാജയത്തില് നിന്ന് പ്രതിപക്ഷം ഇനിയും കരകയറിയിട്ടില്ലെന്നു പറഞ്ഞ റോഡ്രിഗസ് അതുമുതലാണ് പ്രതിപക്ഷം രാജ്യത്തിന്റെ വിവിധ ഭാഗങ്ങളില് പ്രശ്നങ്ങള് സൃഷ്ടിക്കാന് ശ്രമിച്ചതെന്നും കൂട്ടിച്ചേര്ത്തു.